Յուրաքաչյուր գրամը պարունակում է.

Ակտիվ բաղադրանյութ` 10մգ արծաթի սուլֆադիազին:

Օժանդակ բաղադրանյութեր` ցետոստեարիլային ալկոհոլ, հեղուկ պարաֆին ծանր, պրոպիլենգլիկոլ, գլիցերիլ ստեարատ, պոլիսորբատ 80, մեթիլպարաբեն, մաքրված ջուր:

Հակամիկրոբային դեղ արտաքին օգտագործման համար, D06BA01:

Լայն ոլորտի ազդեցության հակամանրէային դեղ է: Ակտիվ է գրամ դրական և գրամ բացասական բակտերիաների, ինչպես նաև Candida խմբի սնկերի ու դերմատոֆիտների նկատմամբ: Սիլվադևի մանրէասպան ազդեցությունը պայմանավորված է արծաթի իոնների ակտիվությամբ, որոնք արծաթի սուլֆադիազինի տարաբաժանման հետևանքով անջատվում են վերքի մեջ: Արծաթի իոնների անջատումը տեղի է ունենում աստիճանաբար (չափավոր տարաբաժանում)՝ ապահովելով հակամիկրոբային ազդեցության կայունությունը:

Արծաթի իոնների մանրէասպան ակտիվությունը լրացվում է սուլֆադիազինի մանրէաճնշիչ ազդեցությամբ (այն նույնպես անջատվում է արծաթի սուլֆադիազինի տարաբաժանման ժամանակ):

Սիլվադևը բնութագրվում է միջին օսմոտիկ ակտիվությամբ և օժտված չէ նեկրոլիտիկ հատկությամբ:

Արծաթի սուլֆադիազինը ներծծում է մեռուկացված (նեկրոտիկ) հյուսվածքը և էքսուդատը: Այդազդեցությունն ունի կարևորագույն նշանակություն, որովհետև հակաբիոտիկները, որոնք օգտագործվում են ընդհանուր բուժման համար, չեն ազդում այրվածքային մեռուկացված հյուսվածքի բակտերիաների վրա, քանի որ այդ հյուսվածքը չունի արյան մատակարարում:

Վերքի մեջ արծաթի սուլֆադիազինը տարաբաժանվում է աստիճանաբար: Արծաթի իոնը անջատվում է հավասարաչափ ու դանդաղորեն, և հետևաբար, արագորեն չի կապվում քլորի իոնների, սպիտակուցների, մարմնի հեղուկների այլ բաղադրամասերի հետ: Այդ պատճառով, Սիլվադևի կիրառման դեպքում չի նկատվում էլեկտրոլիտային հավասարակշռության խանգարում:

Ներծծված արծաթի քանակը աննշան է և, հավանաբար, չի գերազանցում 1%-ը: Սուլֆադիազինը կարող է ներծծվել մինչև 10%-ի չափով: Ոչ մեծ մակերեսով այրվածքների ժամանակ արյան պլազմայիմեջ դեղի առավելագույն քանակները ի հայտեն գալիս նրա կիրառումից 3-7 օրվա ընթացքում, իսկ մեծմասշտաբի և խորը այրվածքների ժամանակ՝ կիրառումից 3-11 օրվա ընթացքում: Սուլֆադիազինը հեռանում է մեզի հետ:

– Թարմ այրվածքային մակերեսների մշակում՝ վարակների զարգացումը կանխարգելելու համար
– Վնասվածքային գործընթացի առաջին փուլում թույլ արտահայտված էքսուդացիայով ուղեկցվող վերքերի և այրվածքային մակերեսների բուժում
– Վնասվածքային գործընթացի երկրորդ և երրորդ փուլերում վերքերի ու I-IIIA աստիճանի այրվածքների բուժում
– Սնունդախանգար խոցերի, պառկելախոցերի, երկարատև չապաքինվող վերքերի (այդ թվում՝ ծայրատի վերքերի) բուժում:

Նրբաքսուքի կիրառումը ցավոտ չէ: Հագուստի և անկողնային սպիտակեղենի վրա այն հետք չի թողնում:

Համակարգային ռեակցիաներ. այրվածքային մեծ մակերեսների վրա նրբաքսուքի երկարատև կիրառման դեպքում հնարավոր է սուլֆանիլամիդներին (8-12%) բնորոշ համակարգային կողմնակի ազդեցությունների զարգացում:

Քանի որ հնարավոր են նույնպիսի կողմնակի ազդեցություններ (հեմոլիտիկ սակավարյունություն, ագրանուլոցիտոզ, թրոմբոցիտոպենիա, լեյկոպենիա, ստամոքսաղիքային համակարգի կողմից՝ հեպատիտ), ապա այս դեղի կիրառման դեպքում անհրաժեշտ է վերահսկել սուլֆոնամիդի քանակները արյան շիճուկում: Այսպիսի վերահսկում անհրաժեշտ է իրականացնել նաև լյարդի և երիկամների սուր հիվանդությունների դեպքում:

– Արտահայտված էքսուդացիայով թարախային խորը վերքեր և այրվածքներ

– Հղիություն և կաթնարտադրության շրջան

– Սուլֆանիլամիդների նկատմամբ գերզգայունություն

– Սիլվադևը չի կարելի կիրառել վաղածին և մինչև 2 ամսական նորածինների մոտ

Զգուշություն է պետք պահպանել սուլֆոնամիդներից՝ գերզգայուն հիվանդների նկատմամբ, քանի որ հնարավոր է ալերգիկ ռեակցիաների առաջացում, ինչպես նաև գլուկոզ-6-ֆոսֆատդեհիդրոգենազի բնածին անբավարարություն ունեցող հիվանդների նկատմամբ, քանի որ մեծ մակերեսի վրա նրբաքսուքի կիրառման ժամանակ հնարավոր է հեմոլիզի առաջացում:

Դեղի երկարատև կիրառման կամ մեծ մակերեսների վրա նրբաքսուքի օգտագործման դեպքում պետք է վերահսկել լյարդի, երիկամների ֆունկցիոնալ վիճակը և ծայրամասային արյան պատկերը: