Բետայոդին 7.5% օճառահեղուկը որպես ակտիվ բաղադրիչ պարունակում է պովիդոն յոդ։ Այն մաշկի համար նախատեսված հակասեպտիկ լվացող միջոց է, նախատեսված վիրաբույժների և բուժանձնակազմի մաշկի նախավիրահատական ախտահանման, ինչպես նաև վիրահատությունից առաջ կտրվածքի հատվածի ախտահանման համար։

Պովիդոն յոդի լուծույթները աստիճանաբար արտազատում են յոդ, որը սպանում կամ դադարեցնում է բակտերիաների, սնկերի, վիրուսների, նախակենդանիների, ցիստերի և սպորների աճը։

Մաշկաբանական դեղեր / Հակասեպտիկներ և ախտահանիչներ / Պովիդոն-յոդ

ԱՏԽ կոդ՝ D08AG02

Վիրաբույժների և բուժանձնակազմի ձեռքի  նախավիրահատական մշակումը

Թրջեք ձեռքերը և նախաբազուկները՝ կիրառելով մոտ 3.5 մլ Բետայոդին և երկու րոպեի ընթացքում մանրակրկիտ քսեք նշված հատվածներին։ Եղունգների վիրաբուժական մշակման համար կարելի է խոզանակ օգտագործել։ Ավելացրեք ջուր՝ փրփուր ստանալու համար, այնուհետև մանրակրկիտ լվացեք հոսող ջրի տակ։

Մաշկի նախավիրահատական նախապատրաստում

Վիրահատական կտրվածքի հատվածը պետք է մշակել վիրահատությունից առաջ երկու կամ երեք անգամ, այնուհետև՝ անմիջապես վիրաբուժական միջամտությունից առաջ։ Թրջեք մշակվող հատվածը և քսեք Բետայոդին այնպիսի քանակությամբ, որը բավարար է մակերեսը հեշտությամբ մաքրելու համար։ Մշակել տվյալ հատվածը երկու րոպե ջրով թրջված ստերիլ թանզիֆե անձեռոցիկով։ Փրփրացնել և մանրակրկիտ լվանալ։ Բետայոդին 7.5% օճառահեղուկը կարելի է նոսրացնել ՄԻԱՅՆ ՋՐՈՎ։

Երեխաներին և տարեցներին Բետայոդինը խորհուրդ է տրվում կիրառել նույն քանակությամբ, որքան մնացած հիվանդներին։

Ի՞նչ միջոցներ ձեռնարկել Բետայոդինը կուլ տալու դեպքում

Բետայոդինը պատահաբար կուլ տալու դեպքում անհրաժեշտ է անհապաղ դիմել մոտակա շտապ օգնության բաժանմունք:

Ի՞նչ է պարունակում Բետայոդինը

Ակտիվ բաղադրատարր՝ պովիդոն յոդ – 75 մգ յուրաքանչյուր միլիլիտր հեղուկ օճառի մեջ։

Օժանդակ բաղադրատարրեր՝  նատրիումի հիդրօքսիդ, կիտրոնաթթու, նատրիումի լաուրեթ սուլֆատ, նատրիումի քլորիդ, կոկամիդ ԴԵԱ, մաքրված ջուր։

Դեղի մասին առավել մանրամասն տեղեկություն ստանալու համար սեղմեք՝ http://pharm.cals.am/pharm/data/drug_134416/1732626206794.pdf