Հիմնական ֆիզիկաքիմիական հատկությունները

Թափանցիկ, շագանակագույն, բնորոշ հոտով հեղուկ:

Հեղուկ օճառի յուրաքանչյուր մլ պարունակում է.

Ակտիվ բաղադրանյութ` 75 մգ պովիդոն յոդ:
Օժանդակ բաղադրանյութեր` նատրիումի հիդրօքսիդ, կիտրոնաթթու, նատրիումի լաուրիլ սուլֆատ, նատրիումի քլորիդ, կոկամիդ DEA, մաքրված ջուր:

2- Պիրոլիդինոն,1-էթենիլ-,հոմոպոլիմեր` յոդի հետ կապված ; 25655-41-8.

Հականեխիչ միջոց, ԱԲՔ կոդը` D08AG02, G01AX11.

Հականեխիչ դեղամիջոց է: Յոդը ներկայացված է պոլիվինիլպիրոլիդոն յոդի կոմպլեքսի տեսքով, որը հանդիսանում է յոդոֆորմ, որը կապում է էլեմենտային յոդը եւ ընդունակ է արգելակել նրա անջատումը: Բետայոդինը պարունակում է մոտ 0.75 % էլեմենտային յոդ :

Բետայոդինը օժտված է լայն ոլորտի մանրէասպան ազդեցությամբ (գրամ-դրական եւ գրամ-բացասական բակտերիաներ, սնկեր, վիրուսներ եւ նախակենդանիներ): Մանրէասպան ազդեցությունը զարգանում է 15-60 վայրկյանի ընթացքում:

Լորձաթաղանթի հետ շփվելիս պոլիվինիլպիրոլիդոն յոդի կոմպլեքսի մոտ 30%-ը վերածվում է յոդիդների, իսկ մնացած մասը` մանրէասպան ազդեցությամբ օժտված ակտիվ յոդի:

• Վիրաբույժների, բժշկական անձնակազմի ձեռքերի նախա- եւ հետվիրահատական մշակում, վարակված հիվանդների խնամքի ժամանակ ձեռքերի հիգիենիկ մշակում:
• Վիրահատությունից (օրգանիզմի հյուսվածքների (բիոպսիա), հեղուկների (պունկցիա) եւ արյան վերցնում, ներարկումներ) առաջ եւ հետո հիվանդի մաշկի մշակում:

Բժշկական անձնակազմի ձեռքերի մշակման համար ներմերսել 5 մլ հեղուկով 5 րոպե, այնուհետեւ լվանալ հոսող ջրի տակ, որից հետո նորից ներմերսել 5 մլ հեղուկ օճառով:

Վիրահատական դաշտը մշակելու համար սափրված եւ ջրով խոնավացված մաշկին քսել դեղը, ներմերսել 5 րոպե` բաշխելով փրփուրը (1 մլ/50-70 սմ): Փրփուրը հեռացնելուց հետո մաշկին քսել չնոսրացված լուծույթը` “Բետայոդին, 10% լուծույթ արտաքին օգտագործման համար” եւ թողնել չորանա:

Լորձաթաղանթի վրա մեծ մակերեսով օգտագործելիս` հնարավոր է յոդի համակարգային կլանում, որը կարող է հարուցել նեյտրոպենիա, ինչպես նաև վահանագեղձի ֆունկցիոնալ ակտիվության անալիզի արդյունքների փոփոխություն: Երկարատև օգտագործման դեպքում (7-10 օրից ավել) հնարավոր են յոդիզմի երևույթներ (այդ թվում բերանում մետաղական համ, ուժեղացած թքարտադրություն, կոպերի և ըմպանի այտուցներ ):

• Հիպերթիրեոզ, վահանագեղձի ադենոմա,
• Երիկամային անբավարարություն,
• Լիթիումի դեղամիջոցների միաժամանակյա ընդունում,
• Վաղաժամ ծննդաբերության դեպքում,
• Հղիություն, կաթնարտադրության շրջան,
• Գերզգայունություն դեղամիջոցի բաղադրիչների նկատմամբ:

Բուժումը. ընդունման հաճխականության կրճատում կամ դեղի ընդունման դադարեցում:

• Բետայոդինը նախատեսված է միայն արտաքին օգտագործման համար:
• Անհրաժեշտ է խուսափել դեղամիջոցի շփումից աչքի հետ, հակառակ դեպքում` անմիջապես լվանալ ջրով: Բորբոքման օջախի առկայության դեպքում պովիդոն յոդի ներծծումը կարող է մեծանալ, այդպիսով կմեծանա նաև համակարգային կողմնակի ազդեցությունների առաջացման վտանգը: Հիվանդը պետք է տեղեկացված լինի դեղի ընդունման դադարեցման անհրաժեշտության մասին և յոդիզմի նշանների հայտնաբերման դեպքում դիմի բժշկի:
• Երիկամային անբավարարությամբ հիվանդները պետք է զգուշությամբ օգտագործեն:
• Մեծ վերքային մակերեսի կամ լուրջ այրված մակերևույթի վրա դեղի կիրառումը ունի համակարգային կողմնակի ազդեցությունների առաջացման մեծ վտանգ, այնպիսիք, ինչպիսիք են մետաբելիկ ացիդոզ, նատրիեմիա և երիկամների ֆունկցիայի խանգարում:
• Բետայոդինի կանոնավոր օգտագործման դեպքում նպատակահարմար է փորձանմուշի օգտագործումը:

• Բետայոդինը անհամատեղելի է այլ ախտահանիչ միջոցների հետ: Հիմնային միջավայրը, ճարպի, արյան, թարախի, թթվային ռեակցիայով նյութերի առկայությունը նվազեցնում են դեղի հականեխիչ ազդեցությունը:
• Ամիոդարոն և լիթիում պարունակող դեղերի հետ Բետայոդինի միաժամանակյա օգտագործման դեպքում կարող է վահանագեղձի վրա պովիդոն յոդի ազդեցությունը մեծանալ: