Arpimed

Ընդհանուր բնութագիրը

Հիմնական ֆիզիկոքիմիական հատկությունները
Թափանցիկ անհոտ դոնդող:

Բաղադրությունը

Յուրաքաչյուր գրամը պարունակում է.
Ակտիվ բաղադրանյութ` 10 մգ մետրոնիդազոլ:
Օժանդակ բաղադրանյութեր` պրոպիլենգլիկոլ, կարբոմեր 940, մեթիլպարաբեն, տրիէթանոլամին, դինատրիումի էդետատ, մաքրված ջուր:

Քիմիական անվանումը և CAS համարը

2-մեթիլ-5-նիտրո-1H-իմիդազոլ-1-էթանոլ, CAS՝ 443-48-1.

Դեղաբանական խումբը և ԱԲՔ կոդը

Հակամանրէային միջոց, իմիդազոլի ածանցյալ, Կոդ ԱԲՔ՝ J01X D01.

Դեղաբանական ազդեցությունը

Մետրոնիդազոլ 1% դոնդողը ցուցաբերում է մանրէասպան ազդեցություն վարդագույն կորյակների նկատմամբ: Մետրոնիդազոլը համարվում է նիտրոիմիդազոլի ածանցյալ: Ազդեցության մեխանիզմը պայմանավորված է անաէրոբ միկրոօրգանիզմների ներբջջային փոխադրող սպիտակուցների հետ փոխազդեցության ժամանակ նրա 5-նիտրո խմբի կենսաքիմիական վերականգնմամբ: ԴՆԹ-ի հետ փոխազդեցության հետևանքով արգելակվում է նուկլեինաթթուների սինթեզը , ինչը հանգեցնում է մանրէի ոչնչացմանը:

Ֆարմակոկինետիկա

Տեղային օգտագործման դեպքում Մետրոնիդազոլ 1% դոնդողը գործնականորեն չի ներծծվում, քանի որ հիմանական ազդող նյութը օգտագործվում է նվազագույն թերապևտիկ խտություններով և նրա համակարգային ազդեցությունը նվազագույն է: Սակայն, ներծծված մետրոնիդազոլը կարող է անցնել ընկերքային պատնեշով: Օրական 1 գ դոնդողի կիրառման դեպքում, 10 մգ մետրոնիդազոլին համարժեք, առավելագույն խտությունը պլազմայում հասնում է 6-10 ժամ անց և կազմում է 9-32 նգ/մլ:

Ցուցումներ

Վարդագույն կորյակների բուժում:

Դեղաչափավորումը և կիրառման եղանակները

Մետրոնիդազոլ 1% դոնդողը բարակ շերտով զգուշորեն տարածել նախապես մաքրված ախտահարված մակերեսի վրա օրական 2 անգամ՝ առավոտյան և երեկոյան: Բուժման տևողությունը կախված է ախտահարման աստիճանից և որոշվում է բժշկի կողմից:

Կողմնակի ազդեցություններ

Մետրոնիդազոլի տեղային կիրառման ժամանակ համակարգային կողմնակի ազդեցությունների առաջացման վտանգը փոքր է, սակայն կարող են դիտվել ալերգիկ ռեակցիաներ հետևյալ ախտանիշներով՝ մաշկային ցան, քոր, եղնջացան, չորություն, թեփոտում, կարմրություն, ծակծկոց, այրոց և մաշկի թմրություն, լուսազգայունություն, արցունքահոսություն:

Հակացուցումներ

Մետրոնիդազոլի, ինչպես նաև նիտրոիմիդազոլի ածանցյալների և դեղի մյուս բաղադրիչների նկատմամբ գերզգայունություն:

Հատուկ ցուցումներ

Երկարատև օգտագործման դեպքում, ինչպես նաև մեծ դեղաչափերով օգտագործման դեպքում առկա է համակարգային ներծծման վտանգ: Դեղը օժտված է լուսազգայունությամբ, այդ պատճառով բուժման ընթացքում անհրաժեշտ է խուսափել արևի ճառագայթների ուղղակի ազդեցությունից: Չի թուլատրվում դեղի շփումը աչքերի և լորձաթաղնթներ հետ: Երեխաներին խորհուրդ չի տրվում կիրառել:

Հղիության և կաթնարտադրության շրջան

Հղիության ընթացքում դեղի կիրառումը թուլատրվում է միայն այն դեպքում, երբ ակնկալվող օգուտը գերազանցում է վտանգին: Կաթնարտադրության ընթացքում դեղի նշանակման անհրաժեշտության դեպքում պետք է դադարեցնել կրծքի կաթով կերակրումը :

Գերդեղաչափավորում

Տեղային օգտագործման դեպքում գերդեղաչափավորման դեպքեր չեն դիտվել:

Դեղորայքային փոխազդեցություններ

Խորհուրդ տրվող դեղաչափերով կիրառման դեպքում մետրոնիդազոլի համակարգային փոխազդեցություններ այլ դեղերի հետ չեն դիտվել: Միաժամանակյա կիրառման դեպքում մետրոնիդազոլը ուժեղացնում է կումարինների, անուղղակի հակամակարդիչների ազդեցությունը:

Պիտանելիության ժամկետը

Պիտանելիության ժամկետը` 3 տարի: Չօգտագործել պիտանելիության ժամկետը սպառվելուց հետո:

Դեղատնից բացթողման կարգը

Բաց է թողնվում դեղատոմսով:

Թողարկման ձևը և փաթեթավորումը

1% դոնդող արտաքին օգտագործման համար՝ լցված 20 գ տարողությամբ ալյումինե պարկուճում, որը ներդիր-թերթիկի հետ տեղադրված է ստվարաթղթե տուփի մեջ:

Պահման պայմանները

Պահել երեխաների համար անհասանելի, զով, խոնավությունից ու լույսից պաշտպանված տեղում:

Արտադրանքներ

Մետրոնիդազոլ, 1 % դոնդող