«Արփիմեդ» ընկերությունը մասնակցեց «Ֆարմացիայի արդի վիճակը և զարգացման հեռանկարները» միջազգային գիտաժողովին

Նոյեմբերի 1-3-ը «Արփիմեդ» ընկերությունը մասնակցեց ԵՊՀ Ֆարմացիայի ինստիտուտի կողմից կազմակերպված «Ֆարմացիայի արդի վիճակը և զարգացման հեռանկարները» խորագրով   І միջազգային գիտաժողովին՝ նվիրված ՀՀ ԳԱԱ 75 և ԵՊՀ 100-ամյակներին։

«Արփիմեդ» ընկերության Որակի կառավարիչ Անի Ղազարյանը ներկայացրեց կազմակերպության ձեռքբերումները 2017-2018 թվականներին՝ նոր Որակի Հսկման Լաբորատորիայի և Աչքի ստերիլ քսուքների տարածքների կառուցման, PIC/S GMP միջազգային հավաստագրման վերաբերյալ:

Որակի հսկման լաբորատորիայի մանրէաբան Վարդուհի Աբրահամյանը ներկայացրեց «Մետրոնիդազոլ դենթա, 1% դոնդողի հակամանրէային ակտիվության չեզոքացման մեթոդի մշակումն ու վալիդացումը» թեմայով «Արփիմեդ» ընկերության մանրէաբանական լաբորատորիայի կատարած աշխատանքը:

«Արփիմեդ» ընկերությունն իր մասնակցում էր նաև գիտաժողովի ընթացքում կազմակերպված ցուցահանդեսին:

Գիտաժողովին մասնակից «Արփիմեդ» ընկերության աշխատակիցները՝ ընկերության գլխավոր տնօրեն Վաչագան Ղազարյանի հետ:

Հպարտությամբ տեղեկացնում ենք, որ «Արփիմեդ» ընկերություն բարեհաջող անցել է ՊԱԳ պահանջներին համապատասխանության տեսչական ստուգումը Ուկրաինայի բժշկական արտադրանքների և դեղերի հսկողության Պետական ծառայության կողմից: Արփիմեդը ստացել է ստերիլ ակնաքսուքների արտադրության ՊԱԳ համապատասխանության հավաստագիր (N 069/2017/GMP) և վերահավաստագրվել է ոչ ստերիլ դեղաձևերի արտադրության համար` N 068/2017/GMP (առաջին հավաստագրումը տեղի էր ունեցել 2014թ):

PIC/S ՊԱԳ միջազգային հավաստագրերը փաստում են, որ ընկերության որակի ապահովման համակարգը, դեղերի արտադրատարածքներն ու սարքավորումները համապատասխանում են Ուկրաինայում ընդունված Պատշաճ Արտադրական Գործունեության պահանջներին, ինչպես նաև PIC/S պահանջներին, ԵՄ դիրեկտիվներին և ԱՀԿ պահանջներին:

State Service of Ukraine on Medicines and Drugs Control

Նոր հեռանկարներ

Որակի հսկման լաբորատորիայի աշխատանքների առավել արդյունավետ կազմակերպման համար, կապված արտադրական ծավալների ու արտադրատեսականու մեծացման և դրանց հետևանքով փորձաքննությունների իրականացման համար ձեռք բերվող նոր սարքերի տեղակայման հետ, 2016 թվականի նոյեմբեր ամսից ընկերությունում սկսվել են նոր Որակի հսկման լաբորատորիայի կառուցման աշխատանքները:

Առաջիկայում կառուցվելու է նաև նոր` <<Աչքի ստերիլ քսուքների>> բաժնի արտադրատարածք, որի նախագծման ժամանակ հաշվի են առնվելու արտադրական գործընթացի ծավալները, առանձնահատկությունները և գործող ՊԱԳ պահանջները:

ՊԱԳ համապատասխանության ազգային հավաստագիր

Ուրախ ենք տեղեկացնել, որ ˝Արփիմեդ˝ ՍՊԸ-ն հաջողությամբ անցել է ՀՀ ԱՆ Դեղերի և Բժշկական տեխնոլոգիաների փորձագիտական կենտրոնի կողմից հավաստագրման գործընթացը և ստացել է ՊԱԳ (Պատշաճ արտադրական գործունեության) համապատասխանության ազգային հավաստագիր AM/HVI/2016/01/03, տրված 01.12.2016: