Միշտ օգտագործեք Կետոկոնազոլ օճառահեղուկը ճիշտ այնպես, ինչպես խորհուրդ է տվել բժիշկը կամ դեղագործը։ Եթե Դուք վստահ չեք, խորհրդակցեք բժշկի կամ դեղագործի հետ։
Կետոկոնազոլ օճառահեղուկը նախատեսված է միայն արտաքին կիրառման համար։ Կուլ մի տվեք այն։
Դեռահասների և մեծահասակների (ներառյալ տարեցներ) համար՝
- Լավ թրջեք մազերն ու գլխամաշկը ջրով։
- Քսեք բավարար քանակությամբ Կետոկոնազոլ օճառահեղուկ՝ փրփուր ստանալու համար, որը կբավականացնի գլխամաշկն ու մազերը լվանալու համար։
- Նրբորեն մերսեք գլխի ամբողջ մակերեսը՝ քսելով փրփուրը։
- Թողեք 3–5 րոպե, ապա մանրակրկիտ լվացեք։
Անհրաժեշտության դեպքում Կետոկոնազոլ օճառահեղուկի օգտագործման միջև ընկած ժամանակահատվածում կարող եք օգտագործել Ձեր սովորական օճառահեղուկը։
Կիրառման հաճախականություն
Թեփի (գունափոփոխ որքին) կամ գլխամաշկի չոր/յուղոտ թեփոտության (սեբորեային դերմատիտ) դեպքում օգտագործեք Կետոկոնազոլ օճառահեղուկը:
- շաբաթը երկու անգամ, 2-4 շաբաթվա ընթացքում՝ վիճակի բարելավման համար
- 1–2 շաբաթը մեկ անգամ՝ կրկնությունների կանխման համար
Մաշկի վրա սպիտակ կամ շագանակագույն բծեր (գունափոփոխ որքին) հայտնվելու դեպքում օգտագործեք Կետոկոնազոլ օճառահեղուկ:
- օրական մեկ անգամ, առավելագույնը 5 օր ընթացքում՝ վիճակի բարելավման համար:
- եթե բծերը սովորաբար կրկնվում են արևի տակ մնալուց հետո, 3 օր շարունակ քսեք օրական մեկ անգամ՝ արևի տակ դուրս գալուց առաջ, որպեսզի կանխեք դրանց կրկնությունը:
Եթե Դուք կամ որևէ մեկը սխալմամբ կուլ է տվել Կետոկոնազոլ օճառահեղուկը՝
- անհապաղ հաղորդեք այդ մասին Ձեր բժշկին կամ դեղագործին (փոքր քանակությամբ պատահական կուլ տալն սովորաբար անվնաս է)։
Եթե Դուք մոռացել եք օգտագործել Կետոկոնազոլ օճառահեղուկը՝
- մի անհանգստացեք, եթե Դուք բաց եք թողել Կետոկոնազոլ օճառահեղուկի կիրառումը
- վերսկսեք բուժումը, հենց հիշեք
Եթե այս դեղի օգտագործման վերաբերյալ ունեք լրացուցիչ հարցեր, դիմեք բժշկին կամ դեղագործին։
