«Տեխնիկական անվտանգության կանոնների պահպանում» թեմայով ուսուցում
Մայիսի 7-ին Արփիմեդ դեղագործական ընկերության գլխավոր ինժեներ Ավետիք Չալյանի կողմից կազմակերպվել էր «Տեխնիկական անվտանգության կանոնների պահպանում» թեմայով ուսուցում:
Պահպանելով հակահամաճարակային կանոնները, ուսուցումն անցկացվեց երկու խմբով:
Ուսուցման ժամանակ խոսվեց տեխնիկական անվտանգության կանոնների պահպանման մասին՝ ինչ է տեխնածին վթարը և ինչի է այն հանգեցնում, ինչպես նաև իրազեկվեց դրա առաջացման պատճառների և կարգավորման մասին: Նեկայացվեցին սարքավորումներից օգտվելու անվտանգության կանոնները և դրանց ոչ ճիշտ գործածության հետևանքով առաջացած կոտրվածքների, այրվածքների, հոսանքահարման ժամանակ ցուցաբերվող առաջին բուժօգնությունը։ Տեղեկացվեցին հրդեհի բռնկման ժամանակ կատարվող հրդեհաշիջման գործողությունների և կրակմարիչներից օգտվելու կանոնների մասին։
Ներկայացվեցին երկրաշարժերը և դրանց ժամանակ իրականացվող գործողությունները, քարտեզի վրա օրինակ բերվեց Արփիմեդ դեղագործական ընկերության շենքից տարհանման կարգը՝ ըստ տարբեր բաժինների, ցուցադրվեցին շրջակայքի ամենաապահով վայրերը։
