Այս դեղը հասանելի է հաբերի ձևով, որոնք ընդունվում են ներքին ընդունմամբ։
Միշտ ընդունեք այս դեղը ճիշտ այնպես, ինչպես Ձեզ նշանակել է բժիշկը։ Եթե Դուք ունեք ինչ-որ կասկած, խորհրդակցեք Ձեր բժշկի հետ։ Ձեր բժիշկը կնշանակի համապատասխան դեղաչափը՝
- Դա կախված է նրանից, թե սրտի ինչ խնդիր ունեք և որքանով է այն լուրջ։
- Նաև դա կախված է Ձեր տարիքից, քաշից և երիկամների գործառույթից։
- Քանի դեռ Դուք ընդունում եք այս դեղը, Ձեր բժիշկը պետք է վերահսկի արյան անալիզների արդյունքները։ Սա անհրաժեշտ է՝ պարզելու համար, թե ինչպես եք Դուք արձագանքում բուժմանը։
- Ձեր բժիշկը կարող է ճշգրտել դեղաչափը՝ ելնելով արյան անալիզների արդյունքներից և նրանից, թե ինչպես եք արձագանքում բուժմանը։ Այդ պատճառով անհրաժեշտ է խստորեն պահպանել բժշկի կողմից նշանակված բուժման կուրսը։
- Եթե դուք վերջին երկու շաբաթների ընթացքում ընդունել եք որևէ այլ սրտային գլիկոզիդ, Ձեր բժիշկը պետք է նշանակի Դիգոքսինի ավելի ցածր դեղաչափ։
- Եթե նկատում եք, որ այս դեղամիջոցի ազդեցությունը չափազանց ուժեղ է կամ՝ չափազանց թույլ, խորհրդակցեք Ձեր բժշկի կամ դեղագործի հետ։
Ինչպես ընդունել այս դեղը
Դեղը ընդունվում է երկու փուլով`
Բեռնող դեղաչափը ապահովում է դիգոքսինի մակարդակի արագ բարձրացումը մինչև անհրաժեշտ մակարդակ։ Սկզբում՝
- ընդունեք մեկանգամյա բեռնող դեղաչափ, ապա՝ աջակցող դեղաչափ, կամ
- մեկ շաբաթ ամեն օր ընդունեք փոքր դեղաչափ, ապա անցեք աջակցող դեղաչափի։
Բեռնող դեղաչափից հետո անհրաժեշտ է ամեն օր նվազեցնել դեղաչափը, մինչև բժիշկը որոշի, որ պետք է դադարեցնեք։
Ներքին ընդունում
Մեծահասակներ և 10 տարեկանից բարձր երեխաներ
- Բեռնող դեղաչափ
- Սովորաբար 0.75 մգ-ից մինչև 1.5 մգ մեկանգամյա ընդունմամբ։
- Որոշ հիվանդներին անհրաժեշտ է դեղը նշանակել բաժանված (առանձնացված) դեղաչափերով՝ 6-ժամյա միջակայքով։
- Այլընտրանքային տարբերակով կարելի է ընդունել 0.25 մգ-ից մինչև 0.75 մգ՝ ամեն օր, մեկ շաբաթ շարունակ։
- Աջակցող դեղաչափ
- Ձեր բժիշկը կորոշի դեղաչափը՝ հիմնվելով օրգանիզմի արձագանքից դիգոքսինի նկատմամբ։
- Սովորաբար այս դեղաչափը կազմում է օրական 0.125 մգ-ից մինչև 0.25 մգ։
Մինչև 10 տարեկան երեխաներ
Բեռնող դեղաչափ
- Հաշվարկվում է՝ հաշվի առնելով Ձեր երեխայի քաշը։
- Սովորաբար կազմում է 0.025 մգ-ից մինչև 0.045 մգ մարմնի քաշի յուրաքանչյուր կգ-ին համապատասխան։
- Պետք է ընդունել բաժանված դեղաչափերով՝ 4-8 ժամ միջակայքով։
Աջակցող դեղաչափ
- Այն կորոշի բժիշկը՝ կախված Ձեր երեխայի օրգանիզմի արձագանքից՝ դիգոքսինի նկատմամբ։
- Սովորաբար այն կազմում է բեռնող դեղաչափի 1/5-ը (հինգերորդ մասը) կամ 1/4-ը (չորրորդ մասը), որը պետք է ընդունել ամեն օր։
Տարեց մարդիկ
Տարեց մարդկանց անհրաժեշտ է ընդունել դեղի ավելի ցածր դեղաչափ՝ համեմատած մեծահասակների դեղաչափի հետ։ Դա պայմանավորված է նրանով, որ տարեցների մոտ կարող է նվազած լինել երիկամների ֆունկցիան։ Ձեր բժիշկը կորոշի Ձեր արյան մեջ դիգոքսինի մակարդակը և անհրաժեշտության դեպքում կարող է փոխել դեղաչափը։
Եթե Դուք ընդունել եք Դիգոքսինի ավելի շատ դեղահատ, քան նախատեսված է
Եթե դուք ընդունել եք Դիգոքսինի չափից շատ դեղահատ, կամ եթե երեխան պատահաբար ընդունել է այս դեղը, դիմեք Ձեր բժշկին, հիվանդանոց կամ թունաբանական կենտրոն՝ ռիսկերի գնահատման և լրացուցիչ տեղեկության ստացման համար։
Դիգոքսինով թունավորման հիմնական ախտանշաններն են սրտի ռիթմի խանգարումները և աղեստամոքսային տրակտի ախտանշանները, որոնք կարող են ի հայտ գալ նախքան սրտի ռիթմի խանգարումների առաջացումը. աղեստամոքսային համակարգի ախտանշաններն են՝ ախորժակի կորուստ, սրտխառնոց և փսխում։ Դիգոքսինով թունավորման այլ ախտանշաններ կարող են ներառել՝ գլխապտույտ, հոգնածություն, ընդհանուր թուլություն և տարբեր նյարդաբանական խանգարումներ, ներառյալ տեսողության խանգարումներ։ Նյարդաբանական և տեսողական ախտանշանները կարող են պահպանվել նույնիսկ թունավորման մյուս նշանների վերացումից հետո։
Քրոնիկ թունավորման դեպքում նկատվում են ախտանշաններ, որոնք կապված չեն սրտի գործունեության հետ, օրինակ՝ թուլություն և ընդհանուր ինքնազգացողության վատացում։
Եթե Դուք մոռացել եք ընդունել Դիգոքսին դեղահատը
Մի ընդունեք կրկնակի դեղաչափ՝ բաց թողնվածը լրացնելու համար։
Եթե Դուք դադարեցնեք Դիգոքսինի ընդունումը
Ձեր բժիշկը կորոշի, թե որքան ժամանակ պետք է շարունակեք Դիգոքսինով բուժումը։ Մի դադարեցրեք բուժումը առանց բժշկի հետ խորհրդակցման։
Եթե այս դեղի ընդունման վերաբերյալ լրացուցիչ հարցեր ունեք, խորհրդակցեք բժշկի կամ դեղագետի հետ։
