icon-menu
icon-menu

Արտադրանքներ

    Ալբենդազոլ, 400 մգ դեղահատեր ծամելու

    ԴեղաձեվըԴեղահատեր

    ATC խումբՀակամակաբույծային դեղեր

    ATC ենթախումբՀակաճիճվային դեղեր

    Դեղի առևտրային անվանումըԱլբենդազոլ

    Դեղի միջազգային անվանումըԱլբենդազոլ (Albendazole)

    Ընդհանուր բնութագիրը
    Հիմնական ֆիզիկոքիմիական հատկությունները

    Կլոր, տափակ վարդագույն մուգ ու բաց կետիկներով ազնվամորու հոտով ծամվող դեղահատեր:

    Բաղադրությունը

    Յուրաքանչյուր դեղահատ պարունակում է.

    Ակտիվ բաղադրանյութ՝ 400.0 մգ ալբենդազոլ,

    Օժանդակ բաղադրանյութեր՝ միկրոբյուրեղային ցելյուլոզ, լակտոզ մոնոհիդրատ, պովիդոն, մագնեզիումի ստեարատ, նատրիումի օսլայի գլիկոլատ, եգիպտացորենի օսլա, նատրիումի լաուրիլ սուլֆատ, Е-129 կարմիր ներկանյութ, նատրիումի սախարին, նատրիումի կարբօքսիմեթիլցելյուլոզ, ազնվամորու բուրահաղորդիչ:

    Քիմիական անվանումը և CAS համարը

    Մեթիլ [5-(պրոպիլսուլֆանիլ)-1H-բենղիմիդազոլ-2-իլ]կարբամատ, 54965-21-8

    Դեղաբանական խումբը և ԱԲՔ կոդը

    Հակաճիճվային միջոց, ԱԲՔ կոդը՝ P02CA03:

    Դեղաբանական ազդեցությունը

    Լայն ազդեցության հակաճիճվային և հակամակաբուծային դեղ, բենզիմիդազոլ կարբամատի ածանցյալ: Ալբենդազոլը խախտում է գլյուկոզայի փոխադրումը, առաջացնում է միկրոտուբուլյար ապարատի ֆունկցիայի խանգարում, ինչը բերում է նրա ոչնչացմանը և մարդու օրգանիզմից հեռացմանը:

    Դեղը ակտիվ ՝ մակաբույծների նկատմամբ, որոնք հարուցուոմ են աղիքային ինֆեկցիաներ և Larva Migrans մաշկային համախտանիշ, ներառյալ նեմատոդները. Ascaris lumbricoides (կլոր որդ), Trichuris trichiura (մազագլուխ ճիճու), Enterobius vermicularis (սրատուտ ճիճու), Ancylostoma duodenale (տասներկումատնյա աղիքի ծռագլուխ որդ), Necator americanus (նեմատոդա), Strongyloides stercoralis; ցեստոդներ: Hymenolepsis nana (գաճաճ երիզորդ), Taenia solium (խոզի երիզորդ), Taenia saginata (եզան երիզորդ); ծծող ճիճուներ: Opisthorchis viverrini և Clonorchis sinensis; պարզագույններ. Giardia lamblia (աղիքային կամ տասներկումատնյա աղիքի): Ալբենդազոլը ակտիվ է հյուսվածքների մակաբույծների նկատմամբ, ներառյալ բշտիկավոր և ալվեոլյար էխինոկոկոզների նկատմամբ՝ հարուցված Echinococcus granulosus ու Echinococcus multilocularis կողմից:

    Ալբենդազոլը արդյունավետ է Taenia solium-ի թրթուրի կողմից հարուցված նեյրոցիստիսիրկոզի, Capilaria philippinensis-ի կողմից հարուցված հեպատիկոլաեազի և Gnathostoma spinigerum, Echinococcus granulosus, Echinococcus multilocularis կողմից հարուցված գնատոստոմոզի նկատմամբ:

    Ֆարմակոկինետիկա

    Ներծծումը

    Ներքին ընդունումից հետո Ալբենդազոլը վատ է ներծծվում ստամոքսաղիքային համակարգից (5% պակաս), անփոփոխ ձևով չի հատյտնաբերվում արյան պլազմայում, կենսամատչելիությունը ցածր է:
    Ճարպոտ սննդի հետ ընդունելիս դեղի համակարգային դեղաբանական ազդեցությունը մեծանում է, այդ թվում բարձրանում է նրա կլանումը և արյան պլազմայում 5 անգամ մեծանում է Сmax-ը:

    Տեղաբաշխումը

    Սպիտակուցների հետ կապումը կազմում է 70%: Ալբենդազոլը նշանակալի քանակով անցնում է լեղու, լյարդի, ողնուղեղային հեղուկի, մեզի, ցիստ ճիճուների պատի և հեղուկի մեջ:

    Նյութափոխանակությունը և արտազատումը

    Նյութափոխանակվում է լյարդում՝ առաջացնելով առաջնային մետաբոլիտ ալբենդազոլի սուլֆօքսիդ, որն օժտված է հակաճիճվային ազդեցությամբ: Ալբենդազոլ սուլֆօքսիդը նյութափոխանակվում է առաջացնելով ալբենդազոլ սուլֆոն (երկրորդային մետաբոլիտ) և այլ օքսիդացված նյութեր:
    400 մգ դեղի միանվագ ընդունումից հետո դեղաբանորեն ակտիվ մետաբոլիտ ալբենդազոլի սուլֆօքսիդի պլազմային խտությունը հասնում է 1.6-6.0 միկրոմոլ/լ:
    Ալբենդազոլի սուլֆօքսիդի T1/2 կազմում է 8.5 ժամ: Ալբենդազոլի սուլֆօքսիդի ձևով արտազատվում է լեղու հետ աղիքների միջոցով և միայն չնչին քանակությունն է արտազտվում մեզով:

    Ֆարմակոկինետիկան հատուկ դեպքերում

    Լյարդի ախտահարումների դեպքում կենսամատչելիությունը մեծանում է, որի հետևանքով ալբենդազոլի սուլֆօքսիդի Сmax մեծանում է 2 անգամ, իսկ T1/2 երկարում է:
    Մարդու լյարդի բջիջներում մակածում է CYP1A իզոֆերմենտները:

    Ցուցումները

    – էնտերոբիոզ

    – անկիլոստոմիդոզ և նեկատորոզ

    – հիմենոլեպիդոզ

    – տենիոզ

    -ստրոնգիլոիդոզ

    – ասկարիդոզ

    – տրիխոցեֆալոզ

    – կլոնորխոզ

    – օպիստորխոզ

    – Larva Migrans մաշկային համախտանիշ

    – լյամբլիոզ երեխաների մոտ

    – բշտիկային էխինոկոկոզ

    – ալվեոլյար էխինոկոկոզ

    – նեյրոցիստիցիրկոզ

    – հեպատիկոլեզ

    – գնատոստոմոզ

    – տրիխինելեզ

    – տոկսոկարոզ:

    Դեղաչափերն ու կիրառման եղանակները
    Դեղը դեղահատերի ձևով ընդունում են ներքին՝ սննդի հետ: Դեղահատեր մանրակրկիտ ծամելով մանրացնել: Նախընտրելի է դեղը ընդունել օրվա միևնույն ժամին: Եթե 3 շաբափ անց չի սկսում ապաքինումը, ապա անհրաժեշտ է նշանակել բուժման երկրորդ կուրսը: Այն հիվանդների համար, որոնք ի վիճակի չեն դեղը ծամել, խորհուրդ է տրվում այն մանրացնել և խմել ոչ մեծ քանակությամբ ջրով:
    Աղիքային ինֆեկցիաներ և Larva Migrans-ի մաշկային համախտանիշ.
  • Էնտերոբիոզի, անկիլոստոմիդոզի, ասկարիդոզի, տրիխոցեֆալեզի, նեկատորոզի դեպքում մեծահասակներին և 2 տարեկանից մեծ երեխաներին ցուցված է 400 մգ 1 անգամ/օր՝ միանվագ, 1-2 տարեկան երեխաներին` 200 մգ 1 անգամ/օր՝ միանվագ:
  • Ստրոնգիլոիդոզի, տենիոզի, հիմենոլեպիդոզի դեպքում մեծահասակներ և 2 տարեկանից մեծ երեխաներին նշանակվում է 400 մգ 1 անգամ/օր 3 օրվա ընթացքում: Հիմենոլեպիդոզի դեպքում խորհուրդ է տրվում բուժման կուրսի կրկնում` 10-21 օր տևողությամբ:
  • Կլոնորխոզմի, օպիստորխոզի դեպքում մեծահասակներին և 2 տարեկանից մեծ երեխաներին` 400 մգ 2 անգամ/օր 3 օրվա ընթացքում:
  • Larva Migrans-ի մաշկային համախտանիշի դեպքում մեծահասակներ և 2 տարեկանից մեծ երեխաներին` 400 մգ 1 անգամ/օր, բուժման տևողությունը 1-3 օր:
  • Լյամբլիոզի դեպքում միայն 2-12 տարեկան երեխաներին` 400 մգ 1 անգամ/օր 5 օրվա ընթացքում:
  • Համակարգային ճիճվային ինֆեկցիաներ (երկարատև բուժում առավել բարձր դեղաչափերով)
    Դեղաչափավորումը կատարվում է անհատապես՝ կախված տարիքից, մարմնի զանգվածից, ինչպես նաև ինֆեկցիայի ծանրության աստիճանից:

    Մինչև 6 տարեկան երեխաներին խորհուրդ չի տրվում դեղը նշանակել բարձր դեղաչափերով:

    60 կգ ավել մարմնի զանգված ունեցող հիվանդների համար դեղաչափը կազմում է 400 մգ օրական 2 անգամ:

    60 կգ-ից պակաս մարմնի զնագված ունեցող մարդկանց նշանակում են 15 մգ/կգ հաշվարկով օրը 2 անգամ: Առավելագույն օրական դեղաչափը կազմում է 800 մգ:

    Ինֆեկցիա Ընդունման տևողությունը
    Բշտիկային էխինոկոկոզ -28 օր: Ոչ վիրահատելի ձևի դեպքում խորհուրդ է տրվում 28-օրյա ցիկլի կրկնում 3 անգամ՝ 14 օրյա ընդհատումներով: Վիրահատությունից առաջ խորհուրդ է տրվում 28 օրյա ցիկլի կրկնում 2 անգամ՝ 14 օրյա ընդհատումներով:Եթե մինչվիրահատակն կուրսը 14 օրից պակաս է կամ առկան են կենսունակ բշտիկներ, ապա վիրահատությունից հետո 2 անգամ անցկացնում են 28 օրյա ցիկլեր՝ 14 օրյա ընդհատումներով:
    Ալվեոլային էխինոկոկոզ -28 օր: Երկրորդ 28 օրյա կուրսը կրկնում են դեղի ընդունման երկշաբաթյա ընդհատումից հետո: Բուժումը կարող է տևել մի քանի ամիս կամ տարի:
    Նեյրոցիստիցերկոզ -Ընդունման տևողությունը 7-31 օր: Երկրորդ կուրսը կարելի է կրկնել երկշաբաթյա ընդմիջումից հետո:
    Հեպատիկոլեզ -400 մգ օրական 1 անգամ՝ 10 օրվա ընթացքում
    Գնատոստոմոզ -400 մգ օրական 1 անգամ՝ 10-20 օրվա ընթացքում
    Տրիխինելեզ, տոկսոկարոզ -400 մգ օրական 2 անգամ՝ 5-10 օրվա ընթացքում

     

    Հակացուցումները
    – աչքի ցանցաթաղանթի ախտահարում,

    – հղիություն,

    – կաթնարտադրության շրջան,

    – դեղի բաղադրիչների նկատմամբ գերզգայունություն:

    Կողմնակի ազդեցությունները
    Մարսողական համակարգի կողմից. ցավեր ստամոքսում, սրտխառնոց, փսխում և փորլուծություն, լյարդի ֆերմենտների մակարդակի բարձրացում, հեպատիտ:

    ԿՆՀ-ի կողմից. գլխացավ, գլխապտույտ:

    Ալերգիկ ռեակցիաներ. Ցան, քոր և եղնջացան:

    Մաշկային ռեակցիաներ. տարբեր ծագման էրիթեմաներ, Սթիվենս-Ջոնսոնի համախտանիշ, դարձելի ճաղատություն (նոսրացում և մազաթափություն):

    Արյունաստեղծ համակարգի կողմից. լեյկոպենիա, պանցիտոպենիա:

    Այլ ռեակցիաներ. տենդ, զարկերակային ճնշման բարձրացում, երիկամների ֆունկցիայի խանգարում:

    Գերդեղաչափավորումը
    Գերդեղաչափավորման ախտանիշներ նկարագրված չեն:

    Բուժումը. ստամոքսի լվացում, ակտիվացված ածխի ընդունում:

    Հատուկ ցուցումները
    -Հնարավոր է լյարդի ֆերմենտների ակտիվության թույլ կամ չափավոր բարձրացում, որը կարգավորվում է ալբենդազոլի ընդունման դադարեցումից հետո: Լյարդի ցուցիչների որոշում պետք է կատարել յուրաքանչյուր ցիկլի սկսելուց առաջ և բուժման ընթացքում յուրաքանչյուր 2 շաբաթը մեկ անգամ : Եթե տրանսմաինազների ակտիվությունը մեծանում է 2 և ավել անգամ, ապա անհրաժեշտ է ընդհատել ալբենդազոլի ընդունումը: Բուժումը կրկնել, երբ լյարդի ֆունկցիայի ցուցանիշները վերադառնան նորմային: Ալբենդազոլը կարող է առաջացնել լեյկոցիտների ընդհանուր քանակի չափավոր դարձելի նվազեցում: Անհրաժեշտ է կատարել ծայրամասային արյան անալիզ և յուրաքանչյուր 2 շաբաթը մեկ անգամ յուրաքանչյուր 28-օրյա ցիկլի ընթացքում:

    -Լեյկոպենիայի զարգացման դեպքում դեղի ընդունումը անհրաժեշտ է դադարեցնել: Նեյրոցիստիցերկոզի բուժման համաար դեղեր ընդունող հիվանդների մոտ հնարավոր է գլխացավերի առաջացում՝ կապված մակաբույծների ոչնչացման հետևանքով առաջացած ներգանգային բարձր ճնշման հետ: Այդ դեպքերում պետք է անհապաղ սկսել համապատասխան բուժում ստերոիդներով և հակաջղաձգային դեղերով: Խորհուրդ է տրվում կորտիկոստերոիդներ ներքին ընդունման կամ ներերակային ներարկման ձևով, որպեսզի կանխվի զարկերակային ճնշման բարձրացումը բուժման առաջին շաբաթվա ընթացքում:

    -Դեղը ցուցված չէ մինչև 1 տարեկան երեխաներին:

    Ազդեցությունը ավտոմեքենա վարելու և մեխանիզմների կառավարման ունակության վրա

    Ավտոտրանսպորտ վարելու և շարժման մեջ գտնվող մեխանիզմների կառավարման ընդունակության վրա ազդող կողմնակի ազդեցություններ չեն դիտվել:

    Դեղորայքային փոխազդեցություններ
    Ցիմետիդինը, պրազիկվանտելը և դեքսամետազոնը արյան պլազմայում բարձրացնում են ալբենդազոլի մետաբոլիտի խտությունը, որով պայմանավորված է դեղի համակարգային արդյունավետությունը:

    Պահման պայմանները
    Պահել երեխաների համար անհասանելի, լույսից և խոնավությունից պաշտպանված տեղում` 15-250С ջերմաստիճանի պայմաններում:

    Պիտանելիության ժամկետ
    3 տարի: Չօգտագործել պիտանելիության ժամկետը լրանալուց հետո:
    Դեղատնից բացթողնման կարգը
    Բաց է թողնվում դեղատոմսով:
    Թողարկման ձևը և փաթեթավորումը
    4 դեղահատ պարունակող պլաստմասե սրվակը ներդիր-թերթիկի հետ տեղադրված է ստվարաթղթե տուփի մեջ: