icon-menu
icon-menu

Արտադրանքներ

    Անտի-Քոլդ ,դեղահատեր

    ԴեղաձեվըԴեղահատեր

    ATC խումբՈչ ստերոիդային հակաբորբոքային դեղեր

    ATC ենթախումբՄրսածության դեպքում օգտագործվող այլ համակցված դեղեր

    Դեղի առևտրային անվանումըԱնտի-Քոլդ

    Դեղի միջազգային անվանումըՊարացետամոլ (Paracetamol), Ֆենիլէֆրինի հիդրոքլորիդ (Phenylephrinehydrochloride), Քլորֆենիրամինի մալեատ (Chlorpheniraminemaleate)

    Ընդհանուր բնութագիրը
    Հիմնական ֆիզիկաքիմիական հատկությունները

    Կլոր, տափակ, սպիտակ գույնի, մեկ կողմից ակոսիկով դեղահատեր:

    Բաղադրությունը

    Յուրաքանչյուր դեղահատ պարունակում է.

    Ակտիվ բաղադրանյութեր` 325 մգ պարացետամոլ, 5 մգ ֆենիլէֆրինի հիդրոքլորիդ, 2 մգ քլորֆենիրամինի մալեատ:
    Օժանդակ բաղադրանյութեր` միկրոբյուրեղային ցելյուլոզ, լակտոզ մոնոհիդրատ, պովիդոն, մագնեզիումի ստեարատ, նատրիումի օսլայի գլիկոլատ:

    Դեղաբանական խումբը և ԱԲՔ կոդը

    Ցավազրկող, ջերմիջեցնող, հիստամինային H1- ընկալիչների ներհակորդ, սիմպատոխթանիչ:R05X

    Դեղաբանական ազդեցությունը

    Անտի-Քոլդը օժտված է ցավազրկող, ջերմիջեցնող, հակաալերգիկ և անոթասեղմիչ (առաջացնում է զարկերակիկների սեղմում) ազդեցություններով: Պարացետամոլը ցուցաբերում է ցավազրկող, ջերմիջեցնող և թույլ արտահայտված հակաբորբոքային ազդեցություն: Ազդեցության մեխանիզմը կապված է պրոստոգլանդինների սինթեզի արգելակմամբ և հիպոթալամուսում ջերմակարգավորիչ կենտրոնի վրա ազդեցությամբ:

    Քլորֆենիրամինի մալեատը ցուցաբերում է հակաալերգիկ ազդեցություն (վերացնում է արցունքահոսությունը, քորը աչքերում և քթում):

    Ֆենիլէֆրինի հիդրոքլորիդը ցուցաբերում է անոթասեղմիչ ազդեցություն, հատկապես վերին շնչառական ուղիների անոթների նկատմամբ ( նվազեցնում է բարձրացված լորձարտադրությունը և քթի լորձաթաղանթի այտուցվածությունը):

    Ե՞րբ ընդունել Անտի-Քոլդը:

    Անտի-Քոլդ կարելի է ընդունել գրիպի և մրսածության ախտանշանային բուժման համար, որն ուղեկցվում է.

  • բարձր ջերմությամբ,
  • տենդով և դողով,
  • մկանային ցավերով և գլխացավով,
  • սուր քթաբորբով,
  • հարբուխով և քթի բռնվածությամբ,
  • փռշտոցով:
  • Ինչպե՞ս ընդունել Անտի-Քոլդը:
  • 2-6 տարեկան երեխաների դեղաչափավորման ռեժիմը կարգավորում է բժիշկը:
  • 6-12 տարեկան երեխաների միանվագ դեղաչափը կազմում է 1 դեղահատ:
  • Մեծահասակների և 12 տարեկանից մեծ երեխաների միանվագ դեղաչափը կազմում է 2 դեղահատ:
  • Խորհուրդ տրվող միանվագ դեղաչափը անհրաժեշտության դեպքում կարելի է կրկնել յուրաքանչյուր 4-6 ժամը մեկ անգամ, բայց ոչ ավել քան օրը 4 անգամ:
  • Ընդունման տևողությունը. տենդի ախտանշանային բուժման համար 3 օրից ոչ ավել, ցավի համար՝ 5 օրից ոչ ավել:
  • Ինչպիսի՞ ոչ ցանկալի ազդեցություններ կարող են ի հայտ գալ դեղի օգտագործման ժամանակ:

    Հազվադեպ հնարավոր է ցան, քոր, հոգնածության, գլխապտույտ, քնի խանգարում, տեսողության խանգարում, բերանում չորություն, սրտխառնոց, փսխում, վերորովայնային շրջանում ցավեր, որոնք անցնում են դեղի ընդունման ընդհատման ժամանակ:

    Ո՞ր դեպքերում չի կարելի ընդունել դեղը:
    Եթե Ձեզ մոտ ավելի վաղ նկատվել է դեղի բաղադրիչների նկատմամբ գերզգայունություն, ապա խորհուրդ չի տրվում այն օգտագործել:

    Անտի-Քոլդը հակացուցված է մինչև 2 տարեկան երեխաներին:

    Անհրաժեշտ է բժշկին հաղորդել, եթե Ձեզ մոտ առկա է
  • քրոնիկական բրոնխիտ,
  • էմֆիզեմա,
  • փականկյունային գլաուկոմա,
  • սրտի հիվանդություններ,
  • զարկերակային հիպերտոնիա,
  • արտահայտված աթերոսկլերոզ,
  • վահանագեղձի հիվանդություններ,
  • շաքարային դիաբետ,
  • շագանակագեղձի գերաճում:

  • Անհրաժեշտ է ընդհատել դեղի ընդունումը կամ դիմել բժշկի, եթե.
    -Ձեր վիճակը չի լավացել կամ ի հայտ են եկել հիվանդության նոր ախտանիշներ (անհրաժեշտ է հաշվի առնել առավել լուրջ հիվանդության առաջացման հնարավորությունը):

    Այս մասին անհրաժեշտ է իմանալ.
  • Հղիության ընթացքում խորհուրդ չի տրվում նշանակել Անտի-Քոլդ: Կաթարտադրության շրջանում անհրաժեշտության դեպքում պետք է ժամանակավորապես դադարեցնել կրծքով կերակրումը:
  • Զգուշությամբ են նշանակում տարեց մարդկանց, լյարդի հիվանդություններ ունեցողներին, ինչպես նաև չի կարելի ընդունել դեղը երկար ժամանակ (տենդի բուժման համար 3 օրից ոչ ավել, ցավի համար՝ 5 օրից ոչ ավել), քանի որ մեծանում է ակտիվ բաղադրիչների կողմից հարուցված կողմնակի ազդեցությունների առաջացման վտանգը:
  • Անտի-Քոլդ դեղը խորհուրդ չի տրվում միաժամանակ նշանակել ացետոամինոֆեն (պարացետամոլ) պարունակող և մրսածության դեմ օգտագործվող դեղերի հետ:
  • Անտի-Քոլդի կիրառումը պետք է սկսել ՄԱՕ-ի արգելակիչների (իզոկարբօքսազիդ, ֆենելզին, տրանիլցիպրամին) ընդունումը դադարեցնելուց ոչ շուտ քան 14 օր անց:
  • Անտի-Քոլդ չի կարելի կիրառել անդորրաբեր ազդեցությամբ օժտվածների հետ (տագնապամարիչների, եռացիկլիկ հակադեպրեսանտենրի, հակաալերգիկ, հակացնցումային դեղերի, մկանային ապալարիչների, ալկոհոլի հետ), քանի որ մեծանում է այդ դեղերի կողմնակի ազդեցությունների առաջացման վտանգը, հատկապես՝ քնկոտությունը:
  • Անտի-Քոլդ դեղի հետ միաժամանակ խորհուրդ չի տրվում ընդունել բետա-ադրենոպաշարիչներ:
  • Եթե Դուք ընդունում եք այլ դեղեր ևս, ապա անհրաժեշտ է անպայման այդ մասին հաղորդել բժշկին:
  • Ինչպիսի՞ ախտանիշներ կարող են լինել գերդեղաչափավորման ժամանակ
    Ախտանիշներ. սրտխառնոց, փսխում, վերորովայնային շրջանում ցավեր, ծանր դեպքերում զարգանում է լյարդային անբավարարություն, էնցեֆալոպատիա և կոմատոզ վիճակ:

    Բուժումը. Ախտանշանային: Սկզբում խորհուրդ է տրվում ստամոքսի լվացում, ակտիվացրած ածխի ընդունում:

    Պահման պայմանները
    Պահել երեխաների համար անհասանելի, չոր, լույսից պաշտպանված տեղում` 15-250С ջերմաստիճանի պայմաններում:
    Պիտանելիության ժամկետ
    4 տարի: Չօգտագործել պիտանելիության ժամկետը լրանալուց հետո:
    Դեղատնից բացթողման կարգը
    Բաց է թողնվում առանց դեղատոմսով:
    Թողարկման ձևը և փաթեթավորումը
    20 դեղահատ պարունակող ստվարաթղթե տուփ (2 բլիստեր 10-ական դեղահատ պարունակող):