Յուրաքանչյուր դեղահատ պարունակում է.

Ակտիվ բաղադրանյութ` 100 մգ բենզոբարբիտալ:
Օժանդակ բաղադրանյութեր` եգիպտացորենի օսլա, մեթիլցելյուլոզ, ստեարինաթթու:

Հակաէպիլեպսային դեղեր; Բարբիտուրատներ և նրանց ածանցյալները:

ԱԲՔ կոդ: N03AA

• Էպիլեպսիայի տարբեր ձևեր։
• Առանց ցնցումների և բազմաձև էպիլեպտիկ նոպաների բուժում՝ համակցված այլ հակաէպիլեպտիկ միջոցների հետ։

Կիրառվում է ներքին ընդունման համար, ուտելուց հետո։ Դեղաչափի ռեժիմը անհատական է և նշանակվում է բժշկի կողմից։ Դեղաչափը կախված է հիվանդի տարիքից, նոպաների բնույթից և հաճախականությունից։

Մեկանգամյա դեղաչափը կազմում է 100-200 մգ, առավելագույն օրական դեղաչափը՝ 800 մգ։ Ամենահաճախ դեղամիջոցն օգտագործվում է օրական 3 անգամ, 100 մգ-ով։ Բուժումը սկսվում է մեկանգամյա դեղաչափի ընդունումից։ 2-3 օր անց դեղաչափը բարձրացվում է մինչև կլինիկական ազդեցության հասնելը (նոպաների հաճախականության նվազում կամ լիակատար բացակայություն)։ Բուժումը շարունակվում է երկար ժամանակ՝ առնվազն 1-3 տարի (նույնիսկ նոպաների բացակայության դեպքում), ընդունելով մեկանգամյա դեղաչափը օրական մեկ անգամ։ Եթե նոպաները կրկնվեն, անհրաժեշտ է վերադառնալ նախորդ օրական դեղաչափին։

Առավելագույն դեղաչափերը՝ մեկանգամյա՝ 300 մգ, օրական՝ 800 մգ։

Եթե հիվանդը նախկինում օգտագործել է այլ հակացնցումային միջոցներ, Բենզոնալին անցումը պետք է կատարվի աստիճանաբար․ սկզբում Բենզոնալով փոխարինվում է մեկ դեղաչափ, ապա (3-5 օր անց)՝ երկրորդը և երրորդը։