icon-menu
icon-menu

Արտադրանքներ

    Բետացիդ, քսուք

    ԴեղաձեվըՓափուկ

    ATC խումբԳլյուկոկորտիկոիդային դեղեր

    ATC ենթախումբԳլյուկոկորտիկոիդային դեղեր արտաքին օգտագործման համար

    Դեղի առևտրային անվանումըԲետացիդ

    Դեղի միջազգային անվանումըԲետամետազոն, Սալիցիլաթթու (Betamethasone, Salicylic acid)

    Դեղաձևը
    Քսուք արտաքին օգտագործման համար:
    Բաղադրությունը

    Բետացիդ քսուքի յուրաքանչյուր գրամը պարունակում է.

    Ակտիվ բաղադրանյութեր` 0.5 մգ բետամեթազոն (դիպրոպիոնատի ձևով), 300 մգ սալիցիլաթթու:
    Օժանդակ բաղադրանյութեր` հեղուկ պարաֆին, պրոպիլպարաբեն, սպիտակ վազելին, էթիլ սպիրտ:

    Դեղաբանական խումբը և ԱԲՔ կոդը

    Համակցված դեղամիջոց արտաքին օգտագործման համար, ԱԲՔ կոդը` D07XC01

    Դեղաբանական ազդեցությունը

    Բետամեթազոնը գլյուկոկորտիկոիդ է, ցուցաբերում է հակաբորբոքային, հակաալերգիկ, հակաէքսուդատիվ և հակաքորային ազդեցություն:
    Բետամեթզոնը ընկճում է լեյկոցիտների և հյուսվածքային մակրոֆագերի ֆունկցիան: Սահմանափակում է լեյկոցիտների գաղթը դեպի բորբոքման օջախ: Նպաստում է լիզոսոմային բջջաթաղանթների կայունացմանը՝ նվազեցնելով բորբոքման շրջանում պրոտեոլիտիկ ֆերմենտների խտությունը: Բետամեթազոնի դիպրոպիոնատը փոքրացնում է հիստամինի ձերբազատումով պայմանավորված մազանոթների թափանցելիությունը: Ընկճում է ֆիբրոբլաստների ակտիվությունը եւ կոլագենի առաջացումը:

    Սալիցիլաթթուն ընկճում է ճարպային գեղձերի եւ քրտնագեղձերի սեկրեցիան: Ցածր խտության դեպքում ցուցաբերում է կերատոպլաստիկ, իսկ բարձր խտության դեպքում՝ կերատոլիտիկ ազդեցություն: Օժտված է թույլ հակամիկրոբային ազդեցությամբ:

    Ֆարմակոկինետիկա

    Առողջ, չվնասված մաշկի վրա կիրառելու դեպքում բետամեթազոնը ներծծվում է քիչ քանակով: Մաշկի վնասումը, բորբոքային գործընթացի առկայությունը և հերմետիկ վիրակապերի օգտագործումը կարող են մեծացնել ներծծումը: Արտաքին օգտագործման դեպքում համակարգային կլանումը կազմում է 12-14 %: Պլազմայի սպիտակուցների հետ կապվածությունը կազմում է 64 %: Բետամեթազոնը կենսափոխանակվում է լյարդում: Նյութափոխանակության արգասիքները արտազատվում են օրգանիզմից հիմնականում մեզի և քիչ քանակությամբ` լեղու հետ:

    Սալիցիլաթթուն ներծծվում է փոքր ծավալով: Նյութափոխանակվում է մասնավորապես դիհիդրոօքսիբենզոյաթթվի: Սալիցիլաթթուն և նրա նյութափոխանակության արգասիքը հիմնականում արտազատվում են երիկամներով:

    Ցուցումները

    Դերմատոզներ, այդ թվում փսորիազ, էկզեմա, որոնց դեպքում գլյուկոկորտիկոստերոիդներով տեղային բուժումը արդյունավետ է:

    Դեղաչափերն ու կիրառման եղանակները

    Դեղամիջոցը նախատեսված է արտաքին օգտագործման համար:

    Դեղամիջոցը լոթիոնի տեքով կիրառվում է գլխի մազածածկ հատվածի մաշկի վնասման դեպքում : Լոթիոնի մի քանի կաթիլը հավասարապես տարածում են մաշկի վրա կամ գլխի մազածածկ հատվածին` նրբորեն քսելով:

    Ընդունման հաճախականությունը ` օրը 2 անգամ` առավոտյան և երեկոյան: Որոշ հաճախորդների մոտ պահպանողական ազդեցության կարելի է հասնել ավելի հազվադեպ կիրառելու դեպքում:

    Դեմքի ախտահարումներ ունեցող հիվանդների մոտ Բետացիդի կիրառման դեպքում բուժման տևողությունը չպետք է գերազանցի 5 օրը:

    Կողմնակի ազդեցություններ
    Տեղային ռեակցիաներ` այրոցի զգացում, քոր, գրգռում, ֆոլիկուլիտ, հիպերտրիխոզ, կորյակացան, հիպոպիգմենտացիա, պերիօրալ դերմատիտ, ալերգիկ շփումային դերմատիտ, մաշկի թրմում, երկրորդային վարակների ապաճում, մաշկի ատրոֆիա, զոլավորում, քրտնախաշ, մաշկի ճաքվածություն:

    Երկարատև և ինտենսիվ բուժման դեպքում` մաշկի ատրոֆիկ փոփոխություններ` զոլավորում, մաշկային շերտի բարակում, արյունատար անոթների մակերսի մեծացում, գունակավորման (պիգմենտացիայի) խանգարում, հիպերտրիխոզ: Բարձր դեղաչափերով երկարատև օգտագործման դեպքում հնարավոր է ի հայտ գան հիպերկորտիցիզմի ախտանիշներ, հատկապես երեխաների մոտ:

    Բետացիդի երկարատև, առանց ընդհատման և հերմետիկ վիրակապերի օգտագործման դեպքում հնարավոր է մակուղեղի և մակերիկամների կեղևի ֆունկցիայի ընկճում:

    Գերդեղաչափավորում
    Ախտանշանները` գլյուկոկորտիկոիդների երկարատև օգտագործման դեպքում հնարավոր է հիպերկորտիցիզմի ախտանիշների զարգացում:

    Բուժումը` իրականացնում են ախտանշանային բուժում: Անհրաժեշտության դեպքում իրականացնում են էլեկտրոլիտային հավասարակշռության կարգավորում: Քրոնիկական գերդեղաչափավորման դեպքում խորհուրդ է տրվում դեղի կիրառման աստիճանաբար դադարեցում: Մեզի հիմնայնացման եւ դիուրեզի ուժեղացման նպատակով կարելի է նշանակել նատրիումի բիկարբոնատ (սոդա) ներքին ընդունման համար:

    Հակացուցումներ
  • Գերզգայունություն դեղամիջոցի բաղադրիչների նկատմամբ,
  • Մանկական տարիք` մինչև 17 տարեկան,
  • Հակացուցված է հերմետիկ վիրակապերի օգտագործումը,
  • Մաշկային տուբերկուլոզ,
  • Մաշկի սնկային ախտահարումներ:
  • Հատուկ ցուցումներ
  • Բետացիդը նախատեսված չէ ակնաբուժության մեջ օգտագործելու համար:
  • Բետացիդը նախատեսված է միայն արտաքին օգտագործման համար:
  • Անհրաժեշտ է խուսափել դեղի և աչքի շփումից, հակառակ դեպքում պետք է անմիջապես լվանալ ջրով:
  • Գրգռվածության կամ գերզգայունության առաջացման դեպքում անհրաժեշտ է դադարեցնել Բետացիդի կիրառումը:
  • Համակարգային ազդեցության գլյուկոկորտիկոիդների կիրառման դեպքում նկատվող ցանկացած կողմնակի ազդեցություն, ներառյալ` մակերիկամների ֆունկցիայի ընկճումը, կարող է ի հայտ գալ նաեւ արտաքին օգտագործման գլյուկոկորտիկոիդների կիրառման դեպքում:
  • Բետամեթազոնի կամ սալիցիլաթթվի համակարգային կլանումը արտաքին օգտագործման դեպքում կլինի ավելի բարձր, եթե բուժումը անցկացվի մարմնի մեծ մակերեսի վրա կամ հերմետիկ վիրակապերի օգտագործմամբ:
  • Անհրաժեշտ է խուսափել ախտահարված մաշկի կամ բաց վերքի վրա դեղի տարածումից :
  • Երկարատև բուժման դեպքում դեղի ընդունման ընդհատումը պետք է իրականացնել աստիճանաբար: Վարակի առկայության դեպքում անհրաժեշտ է նշանակել համապատասխան բուժում: Անհրաժեշտ է Բետացիդը զգուշությամբ կիրառել ծայրամասային արյան շրջանառության խանգարման և շաքարային դիաբետի դեպքում:

  • Մանկաբուժության մեջ կիրառումը` մինչև 17 տարեկան երեխաներին դեղի օգտագործումը հակացուցված է, քանի որ հնարավոր է համակարգային կողմնակի ազդեցությունների զարգացում` կապված բետամեթազոնի հետ:

    Հղիություն և կաթնարտադրության շրջան

  • Բետացիդի օգտագործումը հղիության դեպքում հնարավոր է միայն այն դեպքում, երբ մոր համար սպասվելիք օգուտը գերազանցում է պտղին սպառնացող վտանգին:
  • Կրծքով կերակրման շրջանում Բետացիդի կիրառման դեպքում անհրաժեշտ է դադարեցնել կրծքով կերակրումը:
  • Դեղորայքային փոխազդեցություններ

    Նկարագրված չեն Բետացիդի հետ դեղորայքաին փոխազդեցության դեպքեր:

    Պահման պայմանները
    Պահել երեխաների համար անհասանելի, չոր, լույսից պաշտպանված տեղում` 15-250С ջերմաստիճանի պայմաններում:
    Պիտանելիության ժամկետ
    3 տարի: Չօգտագործել պիտանելիության ժամկետը լրանալուց հետո:
    Դեղատնից բացթողման կարգը
    Բաց է թողնվում դեղատոմսով:
    Թողարկման ձևը և փաթեթավորումը
    Քսուք արտաքին օգտագործման համար, 15 գ ալյումինե պարկուճում, որը ներդիր-թերթիկի հետ տեղադրված է ստվարաթղթե տուփի մեջ: