Հիմնական ֆիզիկաքիմիական հատկությունները

Թափանցիկ, մուգ շագանակագույն լուծույթ` անանուխի բնորոշ հոտով:

Բերանի խոռոչի ողողման լուծույթի յուրաքանչյուր մլ պարունակում է.

Ակտիվ բաղադրանյութ` 10 մգ պովիդոն յոդ:
Օժանդակ բաղադրանյութեր` նատրիումի սախարին, 96% էթիլ սպիրտ (37.5%), անանուխ, մաքրված ջուր:

2- Պիրոլիդինոն,1-էթենիլ-,հոմոպոլիմեր` յոդի հետ կապված ; 25655-41-8.

Հականեխիչ միջոց, ԱԲՔ կոդը` D08AG02, G01AX11.

Յոդը ներկայացված է պոլիվինիլպիրոլիդոն յոդի կոմպլեքսի տեսքով, որը հանդիսանում է յոդոֆորմ, որը կապում է էլեմենտային յոդը եւ ընդունակ է արգելակել նրա անջատումը: Բետայոդինը պարունակում է մոտ 0.1 % էլեմենտային յոդ 1 մլ-ում:

Բետայոդինը օժտված է լայն ոլորտի մանրէասպան ազդեցությամբ (գրամ-դրական եւ գրամ-բացասական բակտերիաներ, սնկեր, վիրուսներ եւ նախակենդանիներ): Մանրէասպան ազդեցությունը զարգանում է 15-60 վայրկյանի ընթացքում:

Լորձաթաղանթի հետ շփվելիս պոլիվինիլպիրոլիդոն յոդի կոմպլեքսի մոտ 30%-ը վերածվում է յոդիդների, իսկ մնացած մասը` մանրէասպան ազդեցությամբ օժտված ակտիվ յոդի:

Տեղային` բերանի խոռոչի և ըմպանի լորձաթաղանթի սուր վարակների դեպքում (լնդերի բորբոքում, բերանի խոռոչի խոցային ախտահարումներ):
Ատամնաբուժությունում` բերանի շրջանում վիրահատական միջամտության ընթացքում և միջամտությունից հետո` բերանի խոռոչի հիգիենայի համար:

Բերանի խոռոչ և ըմպանի ողողման ձևով` 1թ/գ լուծույթը ավելացնում են 1/4 բաժակ ջրին:
Ողողումը կատարում են օրական մի քանի անգամ:

Լորձաթաղանթի վրա մեծ մակերեսով օգտագործելիս` հնարավոր է յոդի համակարգային կլանում, որը կարող է հարուցել նեյտրոպենիա, ինչպես նաև վահանագեղձի ֆունկցիոնալ ակտիվության անալիզի արդյունքների փոփոխություն: Երկարատև օգտագործման դեպքում (7-10 օրից ավել) հնարավոր են յոդիզմի երևույթներ (այդ թվում բերանում մետաղական համ, ուժեղացած թքարտադրություն, կոպերի և ըմպանի այտուցներ ):

Բուժումը. ընդունման հաճխականության կրճատում կամ դեղի ընդունման դադարեցում: