icon-menu
icon-menu

Արտադրանքներ

    Կարբոցիստեին, 5 % օշարակ մեծահասակների համար (Բրոնխոմուցին)

    ԴեղաձեվըՀեղուկ (ներքին ընդունման համար)

    ATC խումբԹոքաբանություն

    ATC ենթախումբԽորխալույծ և խորխաբեր դեղեր

    Դեղի առևտրային անվանումըԿարբոցիստեին

    Դեղի միջազգային անվանումըԿարբոցիստեին (Carbocisteine)

    Դեղաձևը

    Օշարակ ներքին ընդունման համար:

    Բաղադրությունը

    Մեծահասակների համար օշարակի յուրաքանչյուր 5 մլ պարունակում է.

    Ակտիվ բաղադրանյութ` 250 մգ կարբոցիստեին:
    Օժանդակ բաղադրանյութեր` նատրիումի սախարին, պրոպիլենգլիկոլ, շաքար, մեթիլպարաբեն, կարամելի համ, նատրիումի հիդրօքսիդ, դեղին ներկ E110, մաքրված ջուր:

    Դեղաբանական խումբը և ԱԲՔ կոդը

    Խորխալույծ դեղ, R05CB03:

    Դեղաբանական ազդեցությունը

    Մուկոլիտիկ դեղ է: Ակտիվացնում է լորձաթաղանթի բաժակաձև բջիջների ֆերմենտը` սիալային տրանսֆերազը, որը քայքայելով գլիկոպրոտեինների դիսուլֆիդային կամրջակները` ջրիկացնում է ախտածին մածուցիկ սեկրետը: Դա բերում է ախտածին լորձի վերածմանը վերափոխված լորձի` տեղաբաշխված ախտածին սեկրետի ու լորձաթաղանթի միջև: Շնչառական ուղիների լորձաթաղանթի թարթիչների պուլսացիան իրականացվում է արդեն ֆիզիոլոգիական սեկրետի հետ շփման միջոցով ու նպաստում է նրա անխափան հեռացմանը թոքերի օբստրուկտիվ հիվանդությունների դեպքում:

    Ֆարմակոկինետիկա

    Ներծծումը և մետաբոլիզմը. ներքին ընդունման դեպքում կարբոցիստեինը արագորեն ներծծվում է: Արյան մեջ դեղի առավելագույն խտությունը առաջանում է 1 ժամ հետո (pH` 7-9): Կենսամատչելիությունը ցածր է (ընդունված դեղաչափի 10%-ից ցածր), որը հավանաբար պայմանավորված է ստամոքսաղիքային համակարգում տեղի ունեցող մետաբոլիզմով ու լյարդից “առաջին անցման” ազդեցությունով:

    Արտազատումը. կարբոցիստեինն ու նրա մետաբոլիտները օրգանիզմից հեռանում են հիմնականում երիկամներով: Կիսահեռացման պարբերությունը կազմում է մոտ 2 ժամ:

    Ցուցումները
    • Բրոնխային սեկրեցիայի արտազատման խանգարումներ, այդ թվում՝ սուր բրոնխիտ, բրոնխների ու թոքերի քրոնիկ հիվանդություններ (սրացման փուլ):
    Դեղաչափերն ու կիրառման եղանակները

    Մեծահասակներին` 15 մլ (1 ճաշի գդալ) մեծահասակների համար օշարակ, յուրաքանչյուր 8 ժամը մեկ անգամ կամ 10 մլ (1 անուշի գդալ) մեծահասակների համար օշարակ, յուրաքանչյուր 6 ժամը մեկ անգամ:

    Բուժման տևողությունը, որպես կանոն, չպետք է գերազանցի 8-10 օրը:

    Կողմնակի ազդեցություններ
    Հազվադեպ` մաշկի ցանի տեսքով գերզգայունության ռեակցիաներ, անաֆիլակտիկ շոկի տեսքով ալերգիկ ռեակցիաներ, ցավեր ստամոքսում, սրտխառնոց, փորլուծություն, արյունահոսություն ստամոքսաղիքային համակարգում: Կողմնակի ազդեցությունների ի հայտ գալու դեպքում խորհուրդ է տրվում փոքրացնել դեղաչափը կամ դադարեցնել դեղի կիրառումը:
    Հակացուցումներ
    • Անամնեզում դեղի բաղադրամասերի նկատմամբ գերզգայունության վերաբերյալ տվյալներ
    • Պեպտիկ խոց (սրացման փուլ)
    • Մինչև 12 տարեկան մանկական տարիք
    Գերդեղաչափավորում
    Ախտանշանները. ցավեր ստամոքսում, սրտխառնոց, փորլուծություն:
    Բուժումը. իրականացնում են ախտանշանային բուժում:
    Հատուկ ցուցումներ
    • Կարբոցիստեինը պետք է զգուշությամբ կիրառել թաց հազի դեպքում:
    • Դեղը պետք է զգուշությամբ նշանակել ստամոքսի ու տասներկումատնյա աղու խոցային հիվանդությամբ տառապող մարդկանց:
    • Խորհուրդ չի տրվում միաժամանակ նշանակել հակահազային դեղերի և/կամ բրոնխների սեկրեցիան ընկճող միջոցների (այդ թվում՝ ատրոպինանման միջոցների) հետ:
    • Ընթացիկ շաքարային դիաբետի առկայության, ինչպես նաև այն հիվանդներին դեղի նշանակման դեպքում, որոնք գտնվում են շաքարի նվազեցված քանակով դիետայի մեջ, պետք է հաշվի առնել շաքարի պարունակությունը (5.25 գ մեծահասակների համար օշարակի մեկ ճաշի գդալում):
    Հղիություն ու կաթնարտադրության շրջան

    Հղիության ժամանակ Կարբոցիստեին նշանակում են զգուշությամբ այն դեպքերում, երբ պտղի վրա սպասվելիք բարենպաստ ազդեցությունը գերակշռում է հնարավոր վնասակար ազդեցությունը:

    Կաթնարտադրության շրջանում Կարբոցիստեինի նշանակման անհրաժեշտության դեպքում պետք է դադարեցնել կրծքով կերակրումը:

    Դեղորայքային փոխազդեցություններ

    Կարբոցիստեինի դեղորայքային փոխազդեցությունները չեն նկարագրվել:

    Պահման պայմանները
    Պահել երեխաների համար անհասանելի, չոր, լույսից և խոնավությունից պաշտպանված տեղում` սենյակային ջերմաստիճանում:
    Պիտանելիության ժամկետ
    3 տարի: Չօգտագործել պիտանելիության ժամկետը լրանալուց հետո:
    Դեղատնից բացթողնման կարգը
    Բաց է թողնվում առանց դեղատոմսի:
    Թողարկման ձևը և փաթեթավորումը
    5% օշարակ մեծահասակների համար, 120-ական մլ սրվակների մեջ, ներդիր-թերթիկի հետ միասին ստվարաթղթե տուփի մեջ: