icon-menu
icon-menu

Արտադրանքներ

Էնալապրիլ H, դեղահատեր

ԴեղաձեվըԴեղահատեր

ATC խումբՍրտաբանություն: Անոթաբանություն

ATC ենթախումբՀամակցված հակագերճնշումային դեղամիջոցներ

Դեղի առևտրային անվանումըԷնալապրիլ H

Դեղի միջազգային անվանումըԷնալապրիլ / Հիդրոքլորթիազիդ

Ի՞նչ է Էնալապրիլ-Հ-ը և ինչի՞ համար է այն կիրառվում

Էնալապրիլ-Հ-ը  զարկերակային ճնշումը նվազեցնող դեղ է (հակագերճնշումային դեղ):

Այն պարունակում է երկու ակտիվ բաղադրատարրեր՝ էնալապրիլ և հիդրոքլորթիազիդ։

Էնալապրիլը անգիոտենզին փոխակերպող ֆերմենտի (ԱՓՖ) արգելակիչ է։ ԱՓՖ-ի արգելակիչները կարելի է ճանաչել նրանց անվան «-ՊՐԻԼ» վերջածանցով։ Դրանք նվազեցնում են զարկերակային ճնշումը։

Հիդրոքլորթիազիդը միզամուղ միջոց է, որը նույնպես նպաստում է զարկերակային ճնշման նվազեցմանը։

Էնալապրիլ-Հ-ը չի բուժում զարկերակային գերճնշումը, այլ՝ օգնում է այն վերահսկել։ Ուստի, կարևոր է շարունակել Էնալապրիլ-Հ-ի դեղահատերի կանոնավոր ընդունումը, նույնիսկ եթե Դուք Ձեզ լավ եք զգում։

Դեղաբանական խումբը և ԱԲՔ կոդը

Համակցված հակագերճնշումային դեղ, ԱԲՔ կոդը` C09BA02:

Ինչպես ընդունել Էնալապրիլ-Հ-ը

Դեղը նախատեսված է ներքին ընդունման համար։

Սովորական դեղաչափը՝ մեկ դեղահատից օրական մեկ անգամ։ Անհրաժեշտության դեպքում դեղաչափը կարելի է բարձրացնել մինչև երկու դեղահատից օրական մեկ անգամ։

Պացինետների մեծամասնության համար օրական 20 մգ էնալապրիլի մալեատը (բացառիկ դեպքերում՝ 40 մգ) կամ 50 մգ հիդրոքլորթիազիդը բավարար է, ուստի խորհուրդ է տրվում օրական առավելագույնը 2 դեղահատ։ Եթե բուժական բավարար ազդեցություն չի դիտվում, ապա խորհուրդ է տրվում ավելացնել այլ դեղ կամ փոխել բուժումը։

Դեղի ընդունմանը նախորդող բուժում միզամուղներով

Սկզբնական դեղաչափից հետո հնարավոր է համախտանիշային թերճնշում, ինչը առավել հավանական է այն հիվանդների մոտ, ովքեր ունեն հիպովոլեմիա և/կամ էլեկտրոլիտների  կոնցենտրացիաների խանգարում, որոնք առաջացել են նախորդող միզամուղներով բուժումից։ Էնալապրիլ-Հ-ով բուժումը սկսելուց 2-3 օր առաջ խորհուրդ է տրվում դադարեցնել միզամուղների ընդունումը։

Երիկամային անբավարարություն

Թիազիդային միզամուղներով բուժումը կարող է անարդյունավետ լինել երիկամային անբավարարություն ունեցող հիվանդների մոտ, իսկ այն դեպքում, երբ կրեատինինի մաքրումը կազմում է 0.5 մլ/վրկ և պակաս, թիազիդային միզամուղները արդյունավետ չեն։ Եթե կրեատինինի մաքրումը կազմում է 0.5-1.3 մլ/վրկ, բուժումը պետք է սկսել առանձին ակտիվ բաղադրատարրերի դեղաչափերի նախնական ընտրությամբ։

Տարեցներ

Կլինիկական հետազոտությունները ցույց են տվել, որ էնալապրիլի մալեատի և հիդրոքլորթիազիդի համակցության արդյունավետությունն ու տանելիությունը տարեցների և երիտասարդների մոտ նույնն են ։

Երեխաներ

Պացիենտների այս խմբի մոտ դեղի անվտանգությունն ու արդյունավետությունը ուսումնասիրված չեն։ Էնալապրիլ-Հ-ով բուժման տևողության սահմանափակում չկա։

 

Եթե գերազանցել եք դեղաչափը՝ ավելի շատ դեղահատ եք ընդունել, քան թույլատրելի է Եթե կարծում եք, որ ընդունել եք Էնալապրիլ-Հ–ի ավելի շատ դեղահատեր, քան թույլատրելի է, ապա՝ անմիջապես դիմեք Ձեր բժշկին, բուժքրոջը, դեղագետին, հիվանդանոցի շտապօգնության բաժանմունքին կամ թունավորումների վերահսկման տարածաշրջանային կենտրոնին՝ նույնիսկ եթե չունեք որևէ ախտանիշ։

 

Եթե Դուք մոռացել եք ընդունել Էնալապրիլ-Հ դեղը

Մի՛ անհանգստացեք։ Եթե Դուք մոռացել եք ընդունել Էնալապրիլ-Հ դեղը, ապա բաց թողեք տվյալ դեղաչափի ընդունումը: Հաջորդ դեղաչափը ընդունեք հաջորդ ընդունման համար նախատեսված ժամին։ Չի կարելի ընդունել կրկնակի դեղաչափ՝ բաց թողնվածը լրացնելու համար։

 

Եթե Դուք դադարեցնում եք Էնալապրիլ-Հ-ի ընդունումը

Մի դադարեցրեք Էնալապրիլ-Հ դեղի ընդունումը առանց Ձեզ բուժող բժշկի հետ նախապես խորհրդակցելու։

Եթե տվյալ դեղի կիրառման հետ կապված լրացուցիչ հարցեր ունեք, խորհրդակցեք բուժող բժշկի կամ դեղագետի հետ։

 

Շաքարների նկատմամբ անընկալունակություն

Եթե բժիշկը երբևէ տեղեկացրել է, որ Դուք որոշ շաքարների նկատմամբ անընկալունակություն ունեք, ապա մինչև դեղի ընդունումը խորհրդակցեք բժշկի հետ, քանի որ այն պարունակում է լակտոզա։

Ինչ է պարունակում Էնալապրիլ-Հ դեղի փաթեթը եվ այլ տեղեկություն

Ի՞նչ է պարունակում Էնալապրիլ-Հ դեղը

Էնալապրիլ-Հ-ի յուրաքանչյուր դեղահատ պարունակում է․

ակտիվ բաղադրատարր՝ էնալապրիլի մալեատ – 10 մգ, հիդրոքլորթիազիդ – 25 մգ,

օժանդակ նյութեր՝ միկրոբյուրեղային ցելյուլոզա, լակտոզայի մոնոհիդրատ, եգիպտացորենի օսլա, պովիդոն, օսլայի նատրիումի գլիկոլյատ, մագնեզիումի ստեարատ, կալցիումի հիդրոֆոսֆատ։

 

Դեղի մասին առավել մանրամասն տեղեկություն ստանալու համար սեղմեք՝ http://pharm.cals.am/pharm/data/drug_134416/1732626206794.pdf