Էրիթրոմիցին 2% լուծույթի ակտիվ նյութը Էրիթրոմիցինն է, որը հանդիսանում է հակաբիոտիկ։ Էրիթրոմիցինը օգտագործվում է ակնեի բուժման համար։ Դեղը ազդում է այն բակտերիաների վրա, որոնք առաջացնում են կորյակային ցան։

Էրիթրոմիցինը նախատեսված է մեծահասակների և 12 տարեկանից բարձր դեռահասների համար՝ ակնեի դեպքում։

Չի թույլատրվում օգտագործել երեխաներին։

Էրիթրոմիցինը պետք է կիրառել ճիշտ այնպես, ինչպես նշանակված է բժշկի կողմից։

Եթե ունեք որևէ կասկած դեղի օգտագործման վերաբերյալ, ապա պետք է խորհրդակցեք Ձեր բուժող բժշկի կամ դեղագործի հետ։

Ինչ պետք է իմանալ Էրիթրոմիցին դեղն օգտագործելուց առաջ

• Էրիթրոմիցինը պետք է կիրառել՝ քսելով միայն մաշկին։
• Դեղը չի կարելի կիրառել ներքին ընդունմամբ։
• Այս դեղը դյուրավառ է։ Դեղը պահեք կրակից, բոցից և հրդեհի այլ աղբյուրներից հեռու, ներառյալ ծխախոտը՝ ծխելու ժամանակ և դրանից հետո։

Կիրառման հաճախականություն և տևողություն

• Էրիթրոմիցինը պետք է կիրառել օրական երկու անգամ՝ առավոտյան և երեկոյան։
• Կիրառման հաճախականության ավելացումը չի հանգեցնում ավելի լավ արդյունքների։
• Դեղը պետք է օգտագործել առնվազն վեց-ութ շաբաթ, մինչև Դուք զգաք Էրիթրոմիցինի կիրառման համապատասխան ազդեցությունը։
• Դուք պետք է շարունակեք դեղի օգտագործումը Ձեր բժշկի նշանակման համաձայն՝ առավելագույնը 6 ամիս։

Էրիթրոմիցինի կիրառման եղանակը

• լիովին հեռացրեք դիմահարդարումը,
• լվացեք վնասված հատվածը փափուկ օճառով և տաք ջրով, ապա նրբորեն չորացրեք,
• բամբակյա տամպոնը կամ բարձիկը թրջեք լուծույթով և քսեք վնասված հատվածին,
• բամբակյա տամպոնի կամ բարձիկի օգնությամբ նրբորեն և համաչափ տարածեք լուծույթը ամբողջ վնասված մակերեսի վրա, ոչ թե առանձին հատվածների։

Էրիթրոմիցին դեղն օգտագործելուց հետո

• Օգտագործելուց հետո պատշաճ փակեք լուծույթի սրվակը, որպեսզի կանխեք դեղի արտահոսքը կամ գոլորշիացումը։
• Էրիթրոմիցինը պարունակում է բաղադրիչներ, որոնք հակաբիոտիկին օգնում են ներթափանցել ֆոլիկուլների մազարմատների խորքը, որտեղից զարգանում են կորյակները։ Այդ բաղադրիչները ապահովում են մաշկի խոնավությունը կիրառումից հետո մի քանի րոպեի ընթանցքում։
• Դիմահարդարվելուց առաջ անհրաժեշտ է, որպեսզի դեմքը ամբողջությամբ չոր լինի։
• Դուք կարող եք թեթևակի զգալ յուրհատուկ հոտ, մինչ դեղը կչորանա․ դա նորմալ է։
• Դեղի յուրաքանչյուր օգտագործումից հետո լվացեք ձեռքերը։

Եթե Դուք մոռացել եք ընդունել Էրիթրոմիցին դեղը

• Դեղը մի քսեք երկու անգամ, որպեսզի լրացնեք բաց թողնվածը։
• Հաջորդ դեղաչափը պետք է կիրառել սովորական ռեժիմով։

Եթե Դուք պատահաբար կուլ եք տվել Էրիթրոմիցին դեղը

Էրիթրոմիցինի կազմի մեջ մտնող բաղադրիչները սովորաբար վտանգավոր չեն, յուրաքանչյուր գործընթացի ժամանակ դեմքին քսվող քանակներ կուլ տալու դեպքում: Եթե լուծույթը պատահաբար ներթափանցել է բերան, անհրաժեշտ է անմիջապես լվանալ մեծ քանակությամբ ջրով։ Դիմեք բժշկին, եթե կուլ եք տվել լուծույթի բավականաչափ քանակ, որը գերազանցում է  բուժական գործընթացի ժամանակ կիրառվող քանակը:

Եթե Ձեզ մոտ առաջացել են լրացուցիչ հարցեր Էրիթրոմիցինի կիրառման վերաբերյալ, դիմեք Ձեր բուժող բժշկին։

Ֆարմակոթերապևտիկ խումբ՝ Արտաքին օգտագործման դեղեր: Մաշկաբանություն: Հակակորյակային դեղեր:

ATC կոդ՝ D10AF02

Ինչ է պարունակում Էրիթրոմիցինը

Յուրաքանչյուր մլ արտաքին օգտագործման լուծույթը պարունակում է.

Ակտիվ նյութ՝ էրիթրոմիցին – 20 մգ։

Այլ բաղադրիչներ՝ պրոպիլենգլիկոլ, էթանոլ։

Դեղի մասին առավել մանրամասն տեղեկություն ստանալու համար սեղմեք՝ http://pharm.cals.am/pharm/data/drug_134425/1736329537406.pdf