icon-menu
icon-menu

Արտադրանքներ

    Էրիթրոմիցին, 400մգ դեղահատեր

    ԴեղաձեվըԴեղահատեր

    ATC խումբՀակամանրէային դեղեր

    ATC ենթախումբՄակրոլիդային խմբի հակաբիոտիկներ (համակարգային օգտագործման համար)

    Դեղի առևտրային անվանումըԷրիթրոմիցին

    Դեղի միջազգային անվանումըԷրիթրոմիցին (Erythromycin)

    Ընդհանուր բնութագիրը
    Հիմնական ֆիզիկաքիմիական հատկությունները

    Կլոր, երկուռուցիկ, սպիտակ կամ գրեթե սպիտակ գույնի , ավելի մուգ գույնի կետերով, մեկ կողմից ակոսիկով դեղահատեր:

    Բաղադրությունը

    Յուրաքանչյուր դեղահատ պարունակում է.

    Ակտիվ բաղադրանյութ` 400մգ Էրիթրոմիցին (էթիլսուկցինատի տեսքով):
    Օժանդակ բաղադրանյութեր` միկրոբյուրեղային ցելյուլոզ, պովիդոն, եգիպտացորենի օսլա, մագնեզիումի ստեարատ, նատրիումի օսլայի գլիկոլատ:

    Դեղաբանական խումբը և ԱԲՔ կոդը

    Մակրոլիդների խմբի հակաբիոտիկ, ԱԲՔ կոդը` J01FA01; .

    Քիմիական անվանումը և CAS համարը

    Էրիթրոմիցին 2´-(էթիլսուկցինատ); 41342-53-4.

    Դեղաբանական ազդեցությունը

    Մակրոլիդների խմբի հակաբակտերիային դեղմիջոց է: Հիմնականում ցուցաբերում է մանրէաճնշիչ ազդեցություն, բայց մեծ դեղաչափերի դեպքում ցուցաբերում է թույլ մանրէասպան ազդեցություն իր նկատմամբ զգայուն շատ միկրոօրգանիզմների դեմ:

    Էրիթրոմիցինը դարձելի ձևով կապվում է բակտերիայի ռիբոսոմների հետ` արգելակելով սպիտակուցի սինթեզը: Էրիթրոմիցինի ազդեցության ոլորտը ներառում է գրամ-դրական (պենիցիլինազա արտադրող և չարտադրող Staphylococcus spp., Streptococcuspneumoniaeև Str. pyogenes, անաէրոբ Clostridium spp., Listeriamonocytogenes,Erysipelothrixrhusiopathiae, Bacillus anthracis, Corynebacterium diphtheriae, Propionibacteriumacnes, Nocardiaspp.) և որոշ գրամ-բացասական բակտերիաների (Bacillusanthracis, Corynebacteriumdiphtheriae, Erysipelothrixrhusiopathiae, Listeriamonocytogenes, անաէրոբ Clostridiumspp., Propionibacteriumacnes, Nocardiaspp), ինչպես նաևNeisseriameningitidisու N. gonorrhoeae, Moraxellacatarrhalis (Branhamellacatarrhalis), Bordetellaspp.,Brucella, Legionellaspp., Haemophilusducreyi, Campylobacterjejuni, Treponemapallidumև Borreliaburgdorferi, некоторыемикоплазмы (հատկապեսMycoplasmapneumoniae), որոշ սնկաբակտերիաների (Mycobacteriumscrofulaceumև M. kansasii):

    Էրիթրոմիցինի նկատմամբ կայուն են գրամ-բացասական ցուպիկները, այդ թվում Escherichia coli, Pseudomonas aeruginosa, ինչպես նաև Shigella spp., Salmonella spp., Bacteroidesfragilis, Fusobacterium, Mycobacteriumintracellulareև M. fortuitum.

    Ֆարմակոկինետիկա

    Ներս ընդունումից հետո էրիթրոմիցինի էթիլսուկցինատը աղիներում ենթարկվում է մասնակի տարրաբաժանման, որտեղ ազատ էրիթրոմիցինը և նրա չտարրալուծված բարդ եթերը ներծծվում են: Դեղամիջոցի ընդունումից հետո արյան մեջ Էրիթրոմիցինի էթիլսուկցինատի բարձր դեղաչափեր են հայտնաբերվում, բայց միայն 20-30% մինչ 55% էրիթրոմիցին էթիլսուկցինատն է ակտիվ հիմնային նյութի ձևով գտնվում, իսկ մնացած մասը գտնվում է ոչ ակտիվ բարդ եթերի տեսքով:

    Առավելագույն խտությունը արյան մեջ հասնում է 1-4 ժամ անց: Էրիթրոմիցինը հեշտությամբ թափանցում է օրգանիզմի հեղուկների մեծամասնության մեջ: Չվնասված ուղեղային թաղանթի միջով վատ է թափանցում: Էրիթրոմիցինը թափանցում է ընկերքային պատնեշի միջով և հայտնաբերվում է կրծքի կաթում: Հիմնային էրիթրոմիցինի մոտավորապես 70-75% կապվում է պլազմայի սպիտակուցների հետ: Դեղամիջոցը նյութափոխանակվում է լյարդում և արտազատվում է լեղու հետ: Անփոփոխ վիճակում մեզի հետ հեռանում ընդունած դեղաչափի 2-5 %: Կիսադուրսբերման ժամանակահատվածը կազմում է մոտ 1.5-2.5 ժամ, բայց երիկամային անբավարարության ժամանակ կարող է ավելի երկար տևել:

    Ցուցումներ

    – Էրիթրոմիցինի նկատմամբ զգայուն միկրոօրգանիզմների կողմից առաջացրած հետևյալ վարակաբորբոքային հիվանդությունների դեպքում` վերին և ստորին շնչուղիների վարակներ (բրոնխիտներ, թոքաբորբ (մասնավորապես Mycoplasma ցեղի միկրոօրգանիզմների կողմից առաջացած ) և այլ ատիպիկ թոքաբորբերի (այդ թվում և ստրեպտոկոկային), կապույտ հազ, սինուսիտ, բերանի խոռոչի վարակներ, միջին ականջի բորբոքում, ֆարինգիտ), կամպիլոբացիլյար էնտերիտ, դիֆթերիա, լեգիոնելոզ և այլ վարակներ` հարուցված Legionella-ի կողմից:

    – Աղիների վիրահատությունների դեպքում վիրաբուժական վարակների կանխարգելման համար (Նեոմիցինի հետ համակցված)

    – Պենիցիլինի նկատմամբ զգայուն հիվանդենրին` որպես այլընտրանքային բուժում, հետևյալ հիվանդությունների դեպքում` սիբիրյան խոց, ակտինոմիկոզ, լեպտոսպիրոզ, փոքր կոնքի օրգանների վարակային հիվանդություններ` հարուցված Neisseriagonorrhoeae-ի կողմից, պերինատալային ստրեպտոկոկային վարակի կանխարգելում, ռևմատիզմ, ստրեպտոկոկային և ստաֆիլակոկային մաշկային վարակներ, Լայմայի հիվանդություն, խլամիդային վարակներ:

    Դեղաչափավորումը և կիրառման եղանակները
    Էրիթրոմիցինը ընդունում են ներքին: Դեղաչափումն ունի անհատական բնույթ` կախվածվարակի տեղաբաշխումից և բարդությանաստիճանից, միկրոօրգանիզմների զգայունությունից:

    Մեծահասակներին և 8 տարեկանից բարձր երեխաներին թեթև և միջին ծանրության վարակաբորբոքային հիվանդությունների դեպքում նշանակում են օրական 1-2 գ: Ծանր աստիճանի վարակաբորբոքային հիվանդությունների դեպքում օրական դեղաչափը կազմում է 4 գ: Եթե օրական դեղաչափը գերազզանցում է 1 գ, ապա անհրաժեշտ է այն բաժանել 2 կամ ավել ընդունումների: Ընդունումների հաճախականությունը օրը 2-4 անգամ է: Բուժման տևողությունը 5-14 օր:

    Նորածիններին նշանակում են ըստ մարմնի զանգվածի` 12.5 մգ/կգ օրը 4 անգամ:

    1 ամսեկանից մինչև 2 տարեկան երեխաներին` ½ դեղահատից օրը 4 անգամ, դեղաչափը անհրաժեշտ է կրկնապատկել ծանր վարակների դեպքում:

    2 –ից մինչև 8 տարեկան երեխաներին` 1 դեղահատից օրը 4 անգամ, դեղաչափը անհրաժեշտ է կրկնապատկել ծանր վարակների դեպքում:

    Վաղ սիֆիլիսի դեպքում մեծահասակներին և 12-18 տարեկան երեխաներին ցուցված է 2 դեղահատից օրը 4 անգամ` 14 օր տևողությամբ:

    Ստրեպտոկոկային ինֆեկցիայի կանխարգելման համար ռեվմատիզմով, սրտի հիվանդություններով, պենիցիլինների և սուլֆոնամիդների նկատմամբ զգայունություն ունեցող հիվանդներին նշանակում են 1 դեղահատից օրը 2 անգամ:

    Կողմնակի ազդեցություններ
    Մարսողական համակարգի կողմից` սրտխառնոց, փսխում, փորլուծություն, լյարդային տրանսամինազների ակտիվության բարձրացում, հազվադեպ, խոլեստատային դեղնախտ, հեպատիտ, որովայնային ցավեր: Նկարագրված են նաև հաստ աղիների կեղծթաղանթային բորբոքման առաջացման դեպքեր:

    Ալերգիկ ռեակցիաներ` մաշկային ցան, եղնջացան, էոզինոֆիլիա, անաֆիլակտիկ շոկ, Սթիվենս-Ջոնսոնի համախտանիշ, վերնամաշկային թունավոր նեկրոլիզ:

    Զգայական օրգանների կողմից` լսողության անկում կամ ականջներում աղմուկ:

    Սրտանոթային համակարգի կողմից` QT ինտերվալի երկարացում և, որպես հետևանք, առիթմիայի զարգացում:

    Այլ կողմնակի ազդեցություններ` բերանի խոռոչի և հեշտոցի կանդիդոզ, միաստենիա:

    Էրիթրոմիցինի երկարատև կիրառման դեպքում հնարավոր է նրա նկատմամբ միկրոօրգանիզմների կայունության առաջացում:

    Այլ ռեակցիաներ. Հազվադեպ` Պեյրոնի հիվանդություն:

    Հակացուցումները
    – Անամնեզում դեղնախտի, լյարդի ֆունկցիայի արտահայտված խանգարման առկայություն,

    – Գերզգայունություն Էրիթրոմիցինի նկատմամբ,

    – Տերֆենադինի, ցիզապևիդի և աստեմիզոլի միաժամանակյա ընդունում:

    Հատուկ ցուցումներ
    Բուժումը սկսելուց առաջ անհրաժեշտ է կատարել ցանք Էրիթրոմիցինի նկատմամբ տվյալ միկրոօրգանիզմի զգայունությունը որոշելու համար:

    Էրիթրոմիցինը զգուշությամբ է նշանակվում լյարդի և երիկամների ֆունկցիայի խանգարում ունեցող հիվանդներին: Երկարատև բուժման կամ բարձր դեղաչափերի ընդունման դեպքում անհրաժեշտ է լյարդի ֆունկցիայի լաբորատոր ցուցիչների հսկում անցկացնել :

    Էրիթրոմիցինը զգուշությամբ է նշանակվում անամնեզում երկարաձգված QT ինտերվալ և առիթմիա ունեցող հիվանդներին:

    Դեխամիջոցի ընդունումը կարող է կանխել կատեխոլամինի առկայության որոշումը մեզում:

    Էրիթրոմիցինը բարձրացնում է մկանային թուլության առաջացման ռիսկը ծանր կեղծպարալիտիկ միասթենիայով հիվանդների մոտ:

    Գերդեղաչափավորումը
    Ախտանիշներ` սրտխառնոց, փսխում, փորլուծություն և անհարմարավետության զգացում ստամոքսի շրջանում, լսողության կորուստ, ականջներում աղմուկ, գլխապտույտ:

    Բուժում` ակտիվացված ածուխի ընդունում, մանրակրկիտ հսկողություն շնչառության վիճակի, թթվահիմնային հավասարակշռության և էլեկտրոլիտների փոխանակման վրա: Ստամոքսի լվացումը արդյունավետ է միջին բուժիչ դեղաչափից հնգակի գերազանցող դեղաչափ ընդունելու դեպքում: Հեմոդիալիզ, պերիոտենալային դիալիզ կամ միզամուղների օգտագործումը քիչ արդյունավետ են:

    Դեղորայքային փոխազդեցություններ
    Լյարդում նյութափոխանակության ենթարկվող դեղերի հետ միաժամանակյա կիրառման դեպքում հնարավոր է արյան շիճուկում դրանց խտության բարձրացում, քանի որ Էրիթրոմիցինը հանդիսանւմ է լյարդի միկրոսոմային ֆերմենտների արգելակիչ:

    Էրիթրոմիցինի և լինկոմիցինի կամ քլորամֆենիկոլի միաժամանակյա կիրառման դեպքում թուլանում է վերջիններիս ազդեցությունը:

    Էրիթրոմիցինի եւ թեոֆիլինի, ամինոֆիլինի, կոֆեինի միաժամանակյա կիրառման դեպքում նկատվում է արյան պլազմայում այդ դեղերի խտության ավելացում եւ այդպիսով, մեծանում է թունավոր ազդեցությունների առաջացման վտանգը: Էրիթրոմիցինի եւ դիգօքսինի միաժամանակյա կիրառումը բերում է արյան պլազմայում դիգօքսինի խտության ավելացման:

    Էրիթրոմիցինը մեծացնում է արյան պլազմայում ցիկլոսպորինի խտությունը եւ դրա հետեւանքով կարող է մեծանալ երիկամների վրա թունավոր ազդեցության (նեֆրոտոքսիկության) առաջացման վտանգը:

    Հղիություն և կրծքով կերակրում
    Հղիության և կրծքով կերակրման շրջանում դեղամիջոցի ընդունումը ցանկալի չէ և հնարավոր է միայն այն դեպքում, երբ ակնկալվող օգուտը գերազանցում է կողմնակի ազդեցության առաջացման վտանգը:
    Պիտանելիության ժամկետը
    3 տարի: Չօգտագործել պիտանելիության ժամկետը լրանալուց հետո:
    Դեղատնից բացթողման կարգը
    Բաց է թողնվում դեղատոմսով:
    Թողարկման ձևը և փաթեթավորումը
    10 դեղահատ պարունակող ստվարաթղթե տուփ (1 բլիստեր 10-ական դեղահատ պարունակող):
    Պահման պայմանները
    Պահել երեխաների համար անհասանելի, չոր, լույսից և խոնավությունից պաշտպանված տեղում` սենյակային ջերմաստիճանում: