Ընդհանուր բնութագիրը
Հիմնական ֆիզիկաքիմիական հատկությունները
Սպիտակ կամ թույլ դեղնավուն համասեռ քսուք արտաքին օգտագործման համար:
Բաղադրությունը
Յուրաքանչյուր գրամը պարունակում է.
Ակտիվ բաղադրանյութ` 0.25մգ ֆլուոցինոլոնի ացետոնիդ:
Օժանդակ բաղադրանյութեր` լիմոնաթթվի մոնոհիդրատ, պրոպիլենգլիկոլ, անջուր լանոլին, մոմ 533D, սպիտակ վազելին (սպիտակ պարաֆին):
Դեղաբանական խումբը և ԱԲՔ կոդը
Գլյուկոկորտիկոստերոիդ տեղային կիրառման համար, D07AC04:
Քիմիական անվանումը և CAS համարը
Պրեգնա-1,4-դիեն-3,20-դիոն,6,9-դիֆտոր-11,21-դիհիդրօքսի-16,17-[1-մեթիլէթիլի-դեն)բիս(օքսի)]-,(6a,11b,16a)-6a,9-դիֆտոր-11b,16a,17,21-տետրահիդրօքսիպրեգնա-1,4-դիեն-3,20-դիոն, ցիկլիկ 16,17-ացետալ ացետոնի հետ; 67-73-2.
Դեղաբանական ազդեցությունը
Սինթետիկ գլյուկոկորտիկոիդ է արտաքին կիրառման համար: Օժտված է հակաբորբոքային, հակաքորային, հակաալերգիկ և հակաէքսուդատային ազդեցությամբ: Հակաբորբոքային ազդեցության մեխանիզմը մինչև վերջ հայտնի չէ: Ֆլուոցինոլոնի ացետոնիդը ճնշում է պրոստագլանդինների և լեյկոտրիենների սինթեզը, արգելակելով ֆոսոֆոլիպազա A2-ի ակտիվությունը, և նվազեցնում է բջջաթաղանթի ֆոսֆոլիպիդներից արախիդոնաթթվի ազատումը: Խոչընդոտում է մաշկի մեջ տեղային ալերգիկ ռեակցիաների առաջացմանը: Հակաէքսուդատային ներգործությունը պայմանավորված է անոթասեղմիչ ազդեցությամբ:
Ֆարմակոկինետիկա
Հեշտությամբ թափանցում է մաշկի եղջերային շերտի միջով: Բիոտրանսֆորմացիայի մաշկի մեջ չի ենթարկվում և կուտակվում է նրա եղջերային շերտում: Ֆլուոցինոլոնի ացետոնիդը հայտնաբերվում է մաշկի մեջ նրա տեղային կիրառումից նույնիսկ 15 օր հետո: Արտաքին օգտագործման դեպքում ֆլուոցինոլոնի ացետոնիդը կարող է աննշան չափով ներծծվել շրջանառու արյան մեջ և առաջացնել ընդհանուր երևույթներ: Ներծծված մասը ենթարկվում է բիոտրանսֆորմացիայի հիմնականում լյարդում, օրգանիզմից հեռանում է գլյուկուրոնաթթվի միացությունների, քիչ քանակությամբ՝ չկապված ձևով: Հեռանում է հիմնականում մեզի, աննշան՝ լեղու հետ: Ֆլուոցինոլոնի ացետոնիդի ներծծումը ավելի արտահայտված է դեմքի մաշկի, մաշկի վնասված հատվածների վրա քսելու, ինչպես նաև օկլյուզիոն վիրակապերի կիրառման դեպքում: Բացի այդ, դեղի ներծծումը մեծանում է նրա հաճախակի կիրառման և մաշկի մեծ տեղամասերի վրա քսելու դեպքում: Դեղի ներծծումն ավելի արտահայտված է երեխաների, քան մեծահասակների մոտ:
Ցուցումներ
Մաշկի ոչմիկրոբային էթիոլոգիայի բորբոքային և ալերգիկ հիվանդություններ (էկզեմա, նեյրոդերմատիտ, մաշկի քոր, փսորիազ, մաշկի բորբոքային և ալերգիկ հիվանդությունների այլ քրոնիկական ձևեր, որոնք ուղեկցվում են մաշկի չորությամբ):
Դեղաչափավորումը և կիրառման եղանակները
Արտաքին օգտագործման համար, օրեկան 1-2 անգամ: Ֆլուոցինոլոնովբուժման կուրսը չպետք է գերազանցի 1-2 շաբաթը: Դեղը դեմքի մաշկի վրա կիրառում են շատ զգույշ և 1 շաբաթից ոչ շատ: Եթե անհրաժեշտություն չկա, դեղի օրեկան օգտագործումը չպետք է գերազանցի նրա 2 գրամը: Անհրաժեշտության դեպքում հնարավոր է օկլյուզիոն վիրակապի կիրառումը: 2 տարեկանից բարձր երեխաներին դեղը նշանակում են զգուշությամբ օրը մեկ անգամ, մաշկի ոչ մեծ տեղամասերի վրա:
Հակացուցումներ
Դեղի նկատմամբ գերզգայունություն, մաշկի բակտերիային, վիրուսային, սնկային վնասվածքներ, պերիօրալ դերմատիտ, վարդագույն կորյակներ, լայնածավալ փսորիատիկ թիթեղիկներ, սեռական օրգանների քոր, հղիություն, կրծքով կերակրում, մինչև 2 տարեկան մանկական տարիք, աղջիկների մոտ սեռական հասունացման ժամանակահատված:
Կողմնակի ազդեցություններ
Տեղային ռեակցիաներ. բշտիկացան, հետստերոիդային անոթային ծիրանեցան, վերնամաշկի աճի ընկճում, ենթամաշկային ցանցաշերտի ապաճում, մաշկի չորություն, արտահայտված մազոտում կամ մազաթափություն, մեանոդերմիա կամ մաշկի գունազրկում, մաշկի և տելեանգիէկտազիայի ապաճում, պերիօրալ դերմատիտ, ֆոլիկուլիտ, մաշկի երկրորդային վարակային ախտահարումներ:
Ալերգիկ ռեակցիաներ. երբեմն՝ եղնջացան, մակուլապապուլային ցան:
Համակարգային ռեակցիաները հնարավոր են օկլյուզիոն վիրակապերի օգտագործման դեպքում. այտուց, զարկերակային հիպերտենզիա, մակերիկամային անբավարարություն, Իցենգո-Կուշինգի սինդրոմ, “ստերոիդային” խոց, “ստերոիդային” շաքարային դիաբետ, իմունադեպրեսային ազդեցություն: Դեղը կոպերի մաշկին քսելիս հնարավոր է գլաուկոմայի կամ կատարակտի առաջացում: Դեղն էական կողմնակի ազդեցություններ չի առաջացնում այն կարճաժամկետ օգտագործելիս կամ ոչ մեծ տեղամասերի վրա քսելիս: Կողմնակի ազդեցությունները հաճախ զարգանում են երկարատև օգտագործման դեպքում:
Հատուկ ցուցումներ
Դեղը կիրառում են մաշկի ոչ մեծ տեղամասերի վրա բուժման միայն կարճատև կուրսերով: Մաշկի մեծ տեղամասերի վրա գլյուկոկորտիկոիդներով երկարատև բուժման, ինչպես նաև օկյուզիոն վիրակապերի երկարատև օգտագործման դեպքում բարձրանում է համակարգային կողմնակի ռեակցիաների՝ պերիֆերիկ այտուցի, զարկերակային հիպերտենզիայի, մակերիկամային անբավարարության, Իցենգո-Կուշինգի սինդրոմի, “ստերոիդային” խոցի, հիպերգլիկեմիայի, իմունադեպրեսային ազդեցության զարգացման ռիսկը: Դեղի կիրառման տեղում երկրորդային վարակի զարգացման դեպքում հարկավոր է նշանակել հակաբակտերիային և հակասնկային թերապիա: Խորհուրդ չի տրվում դեղը քսել դեմքի, կոպերի և աչքի շրջանի մաշկի վրա, սակայն, եթե կա անհրաժեշտություն, հարկավոր է հաշվի առնել, որ տվյալ տեղամասի վրա քսելիս դեղի ներծծումը մեծանում է նույնիսկ նրա կարճատև օգտագործումից հետո և մեծանում է այնպիսի կողմնակի ազդեցությունների առաջացման հնարավորությունը, ինչպիսիք են տելեանգիէկտազիա, մաշկի ապաճում, պերիօրալ դերմատիտ, գլաուկոմա, կատարակտ հատկապես մեծահասակ հիվանդների և այն անձանց մոտ, որոնց մաշկի վրա արդեն գոյություն ունեն ատրոֆիկ փոփոխություններ: Մանկաբուժության մեջ կիրառումը. երեխաների մոտ դեղը կիրառում են հատուկ զգուշությամբ, քանի որ գլյուկոկորտիկոիդների օգտագործմամբ պայմանավորված համակարգային կողմնակի ռեակցիաների զարգացումը բարձր է; հնարավոր է հիպոթալամա-հիպոֆիզար-մակերիկամային համակարգի ֆունկցիայի ընկճում, կարող է նկատվել աճի հորմոնի արտազատման իջեցում, ինչպես նաև ներգանգային ճնշման բարձրացում:
Գերդեղաչափավորում
Ախտանշանները. դեղաչափավորման կարգը չպահպանելիս (մաշկի մեծ տեղամասերի վրա դեղի երկարատև կիրառություն) հնարավոր է համակարգային կողմնակի ազդեցությունների առաջացում:
Բուժումը. դեղի ընդունման դադարեցում:
Դեղորայքային փոխազդեցություններ
Համատեղելի է հակաբակտերիային միջոցների հետ: Նվազեցնում է հիպոտենզային, դիուրետիկ, հակաառիթմային միջոցների, կալիումի դեղերի ակտիվությունը: Միզամուղային դեղերը (բացառությամբ կալիում պահպանող) մեծացնում են հիպոկալիեմիայի զարգացման ռիսկը:
Պիտանելիության ժամկետը
5 տարի: Չօգտագործել պիտանելիության ժամկետը լրանալուց հետո:
Դեղատնից բացթողման կարգը
Բաց է թողնվում դեղատոմսով:
Թողարկման ձևը և փաթեթավորումը
0.025% քսուք, 15-ական գրամ ալյումինե պարկուճներում, ներդիր թերթիկի հետ միասին ստվարաթղթե տուփի մեջ:
Պահման պայմանները
Պահել երեխաների համար անհասանելի, չոր, լույսից և խոնավությունից պաշտպանված տեղում` սենյակային ջերմաստիճանում: