Յուրաքաչյուր գրամը պարունակում է.

Ակտիվ բաղադրանյութ` 20 մգ կետոկոնազոլ:

Օժանդակ բաղադրանյութեր` ցետեարետ-12, ցետեարետ-20, ցետոստեարիլ սպիրտ, պրոպիլենգլիկոլ, մեթիլպարաբեն, պրոպիլպարաբեն, Е-129 կարմիր ներկանյութ, իզոպրոպիլմիրիստատ, մաքրված ջուր:

Հակասնկային դեղ, ԱԲՔ կոդ՝ D01AC08:

Հակասնկային դեղ է: Ցուցաբերում է սնկաճնշիչ եւ սնկասպան ազդեցություն: Ազդեցության մեխանիզմը պայմանավորված է էրգոստերոլի սինթեզի ընկճումով եւ բջջաթաղանթի ճարպային բաղադրության փոփոխությամբ: Դեղը ակտիվ է բազմագույն որքինի հարուցչի (Malassezia furfur), որոշ դերմատոմիկոզների (Trichophyton, Epidermophyton floccosum, Microsporum), կանդիդոզի հարուցչի (Candida), ինչպես նաև համակարգային միկոզի հարուցչի (Cryptococcus) նկատմամբ: Ակտիվ է նաև գրամ-դրական կոկերի նկատմամբ՝ Staphylococcus spp., Streptococcus spp.:

Կետոկոնազոլը արտաքին օգտագործումից հետո գործնականապես չի ենթարկվում համակարգային նեծծման:

• Trichophyton rubrum, Trichophyton mentagrophytes, Microsporum canis և Epidermophyton floccosum հարուցիչների կողմից հարուցված մաշկի դերմատոֆիտային վարակներ,
• Աճուկային էպիդերմոֆիտիա,
• Ձեռնաթաթի և ոտնաթաթի էպիդերմոֆիտիա,
• Մաշկի կանդիդոզ,
• Թեփավոր որքին,
• Pityrosporum ovale կողմից հարուցված սեբորեային դերմատիտ:

Մաշկի կանդիդոզ, հարթ մաշկի սնկագարություն, աճուկային էպիդերմոֆիտիա, ձեռնաթաթի և ոտնաթաթի էպիդերմոֆիտիա, թեփավոր որքին. խորհուրդ է տրվում Կետոկոնազոլ նրբաքսուքը տարածել օրական մեկ անգամ ախտահարված մաշկի և հարակից հատվածի վրա: Սեբորեային դերմատիտ. Կետոկոնազոլ նրբաքսուքը տարածել ախտահարված հատվածի վրա օրը մեկ կամ երկու անգամ 2-4 շաբաթ՝ կախված ախտահարման ծանրությունից: Պահպանողական բուժման համար նրբաքսուքը տարածել շաբաթական մեկ կամ երկու անգամ: Անհրաժեշտ է բոլոր ախտանիշների վերացումից հետո բուժումը շարունակել ևս մի քանի օր: Եթե չի դիտվում կլինիկական բարելավում բուժման 4-րդ շաբաթից հետո, ապա անհրաժեշտ է վերանայել ախտորոշումը: Անհրաժեշտ է հետևել ընդհանուր հիգիենայի միջոցներն՝ վարակի և վերավարկման աղբյուրի վերահսկման համար: Սովորաբար բուժման տևողությունը հետևյալն է. Թեփավոր որքին՝ 2 – 3 շաբաթ, մաշկի կանդիդոզ՝ 2 – 3 շաբաթ, աճուկային էպիդերմոֆիտիա ՝ 2 – 4 շաբաթ, հարթ մաշկի սնկագարություն՝ 3 – 4 շաբաթ, ոտնաթաթի էպիդերմոֆիտիա՝ 4 – 6 շաբաթ:

Գրգռվածություն և այրոցի զգացում: Հազվադեպ տեղային ալերգիայի բնույթի մաշկային ռեակցիաներ, ինչպիսին են շփումային դերմատիտ՝ նրբաքսուքի ակտիվ բաղադրիչի՝ կետոկոնազոլի, կամ օժանդակ նյութերից մեկի՝ պրոպիլենգլիկոլի կողմից հարուցված:

Միայն արտաքին օգտագործման համար է նախատեսված: Կետոկոնազոլ նրբաքսուքը չի թուլատրվում օգտագործել ակնաբուժությունում: Տեղային կորտիկոստերոիդներով երկարատև բուժման ընդհատման դեպքում հանման համախտանիշի կանխման համար խորհուրդ է տրվում աստիճանաբար նվազեցնել կորտիկոստերոիդների կիրառման հաճախականությունը ըստ հետևյալ սխեմայի՝ առավոտյան՝ տեղային կորտիկոստերոիդների և երեկոյան Կետոկոնազոլ նրբաքսուքի կիրառում, ապա 2-3 շաբաթվա ընթացքում ընդհատել կորտիկոստերոիդների օգտագործումը: Կիրառումը մանկաբուժությունում – Կետոկոնազոլի կիրառման անվտանգությունը և արդյունավետությունը մանկաբուժությունում ուսումնասիրված չէ:

Նրբաքսուքի չափազանց մեծ քանակների օգտագործումը կարող է հանգեցնել էրիթեմայի, այտուցի և այրոցի զգացողության, որոնք սովորաբար անհետանում են բուժումը ավարտելուց հետո:

Հակացուցված չէ, քանի որ Կետոկոնազոլ նրբաքսուքը արտաքին օգտագործման դեպքում չի ներծծվում:

Դեղի դեղորայքային փոխազդեցություններ նկարագրված չեն:

Պիտանելիության ժամկետը` 3 տարի: Չօգտագործել պիտանելիության ժամկետը սպառվելուց հետո:

Բաց է թողնվում առանց դեղատոմսի:

2% նրբաքսուք՝ արտաքին օգտագործման համար, 15-ական գրամ ալյումինե պարկուճներում, ներդիր-թերթիկի հետ միասին ստվարաթղթե տուփի մեջ:

Պահել երեխաների համար անհասանելի, զով, խոնավությունից ու լույսից պաշտպանված տեղում: