- Դեղահատը կուլ տվեք՝ մեկ բաժակ ջրով։
- Փորձեք ընդունել դեղահատերը ամեն օր նույն ժամին։ Կարևոր չէ՝ Լիզինոպրիլն ընդունում եք ուտելուց առաջ, թե հետո։
- Շարունակեք ընդունել Լիզինոպրիլ այնքան ժամանակ, քանի դեռ Ձեր բժիշկը չի թույլատրել դադարեցնել դրա օգտագործումը: Բուժման կուրսը երկարատև է։ Կարևոր է Լիզինոպրիլն ընդունել ամեն օր։
Առաջին դեղաչափի ընդունումը
- Եղեք հատկապես ուշադիր Լիզինոպրիլի առաջին դեղաչափն ընդունելուց հետո կամ դեղաչափի ավելացման դեպքում։ Դա կարող է հանգեցնել զարկերակային ճնշման կտրուկ անկման, քան հետագա դեղաչափերը։
- Առաջին դեղաչափի ընդունումը կարող է Ձեզ մոտ գլխապտույտ առաջացնել։ Եթե դա նկատվում է, պետք է պառկել։ Եթե դա Ձեզ անհանգստացնում է, խնդրում ենք հնարավորինս շտապ դիմել բժշկի։
Մեծահասակներ
Դեղաչափը կախված է Ձեր առողջական վիճակից և այն հանգամանքից, ընդունում եք արդյոք միաժամանակ այլ դեղամիջոցներ։ Ձեր բժիշկը Ձեզ խորհուրդ կտա, թե քանի դեղահատ պետք է ընդունեք ամեն օր։ Եթե ինչ որ բանում վստահ չեք, խորհրդակցեք Ձեր բժշկի կամ դեղագետի հետ։
Բարձր զարկերակային ճնշման բուժում
- Խորհուրդ տրվող սկզբնական դեղաչափը կազմում է 10 մգ օրը մեկ անգամ։
- Երկարաժամկետ օգտագործման սովորական դեղաչափը կազմում է 20 մգ օրը մեկ անգամ։
Սրտային անբավարարության բուժում
- Խորհուրդ տրվող սկզբնական դեղաչափը կազմում է 2.5 մգ օրը մեկ անգամ։
- Երկարաժամկետ օգտագործման սովորական դեղաչափը կազմում է 5-35 մգ օրը մեկ անգամ։
Սրտի կաթվածից հետո բուժում
- Խորհուրդ տրվող սկզբնական դեղաչափը կազմում է 5 մգ՝ սրտի կաթվածից հետո 24 ժամվա ընթացքում, ապա ևս 5 մգ՝ 1օր անց։
- Երկարաժամկետ օգտագործման սովորական դեղաչափը կազմում է 10 մգ օրը մեկ անգամ։
Շաքարային դիաբետով պայմանավորված երիկամային հիվանդությունների թերապիայի համար
- Առաջարկվող դեղաչափը կազմում է 10 մգ կամ 20 մգ՝ օրական մեկ անգամ։
Եթե դուք տարեց եք, ունեք երիկամների հետ կապված խնդիրներ կամ ընդունում եք միզամուղներ, Ձեր բժիշկը կարող է նշանակել դեղի ավելի ցածր դեղաչափ, քան սովորականն է։
Օգտագործումը երեխաների և դեռահասների (6-16 տարեկան) մոտ բարձր զարկերակային ճնշման դեպքում
- Լիզինոպրիլի օգտագործումը խորհուրդ չի տրվում 6 տարեկանից փոքր երեխաների կամ երիկամային ծանր խանգարումներ ունեցող երեխաների համար։
- Բժիշկը կընտրի Ձեր երեխայի համար ճշգրիտ դեղաչափը։ Դեղաչափը կախված է երեխայի քաշից։
- 20-50 կգ մարմնի քաշ ունեցող երեխաների համար խորհուրդ տրվող սկզբնական դեղաչափը կազմում է 2.5 մգ՝ օրական մեկ անգամ։
- 50 կգ-ից ավել մարմնի քաշ ունեցող երեխաների համար խորհուրդ տրվող սկզբնական դեղաչափը կազմում է 5 մգ՝ օրական մեկ անգամ։
Եթե Դուք ընդունել եք ավելի շատ Լիզինոպրիլ, քան խորհուրդ է տրվում
Եթե Դուք ընդունել եք ավելի շատ Լիզինոպրիլ, քան նշանակված է բժշկի կողմից, անհրաժեշտ է դիմել բժշկի կամ մոտակա հիվանդանոց։
Ամենահավանական ախտանիշներն են՝ գլխապտույտ, հաճախացած սրտխփոց:
Եթե Դուք մոռացել եք ընդունել Լիզինոպրիլ
- Եթե Դուք մոռացել եք ընդունել Լիզինոպրիլը, ընդունեք այն, հենց հիշեք։ Սակայն, եթե արդեն հաջորդ չափաբաժնի ժամանակն է, բաց թողած դեղաչափը մի ընդունեք։
- Բաց թողնվածը փոխհատուցելու համար կրկնակի չափաբաժին մի ընդունեք:
Եթե դադարեցրել եք Լիզինոպրիլի ընդունումը
Մի դադարեցրեք դեղահատերի ընդունումը առանց բժշկի հետ խորհրդակցելու, նույնիսկ եթե Ձեզ լավ եք զգում։
Եթե դեղը ընդունելու վերաբերյալ լրացուցիչ հարցեր ունեք, հարցրեք Ձեր բուժող բժշկին կամ դեղագործին:
