icon-menu
icon-menu

Արտադրանքներ

    Պերմեթրին, 5 % նրբաքսուք

    ԴեղաձեվըՓափուկ

    ATC խումբՀակամակաբույծային դեղեր

    ATC ենթախումբՀակաքոսային դեղեր

    Դեղի առևտրային անվանումըՊերմեթրին

    Դեղի միջազգային անվանումըՊերմեթրին (Permethrin)

    Բաղադրությունը
    Յուրաքաչյուր գրամը պարունակում է. Ակտիվ բաղադրանյութ` 50 մգ պերմեթրին: Օժանդակ բաղադրանյութեր` ցետեարետ-12, ցետեարետ-20, ցետոստեարիլային սպիրտ, հեղուկ պարաֆին, պրոպիլենգլիկոլ, դիմետիկոն, մեթիլպարաբեն, պրոպիլպարաբեն, գլիցերիլ մոնոստեարատ, մաքրված ջուր:
    Դեղաբանական խումբը և ԱԲՔ կոդը
    Հակաքոսային դեղ, կոդ ԱԲՔ՝ P03AC04.
    Դեղաբանական ազդեցությունը
    Հակամակաբուծային, միջատասպան, օվիցիդ (ոչնչացնում է ձվաբջիջները) միջոց է: Ակտիվությունը արտահայտված է լվերի, տզերի (այդ թվում քոսի) և այլ հոդվածոտանիների ընտանիքի արտաքին մակաբույծների նկատմամբ: Ճնշում է թրթուրների և հասուն ձևերի զարգացումն և հանգեցնում է նրանց ոչնչացմանը: Ազդեցության մեխանիզմը պայմանավորված է արտաքին մակաբույծների բջիջներում ՝ հատկապես նյարդային բջիջներում, նատրիումական ուղիների մասնակի արգելակմամբ (ապաակտիվացմամբ) և կալիումի տրանսմեմբրանային հոսքի դանդաղեցմամբ:
    Ֆարմակոկինետիկա
    Դեղը արտաքին օգտագործման դեպքում համակարգային արյան հոսք անցնում է չնչին քանակությամբ: Դեղի կիրառումից 24 ժամ անց պերմեթրինի խտությունը արյան պլազմայում նվազագույնն է, իսկ որոշ դեպքերում չի բացահայտվում: Կիրառումից 48 ժամ անց արյան պլազմայի մեջ նրա բաղադրիչներից ոչ մի հետք չի հայտնաբերվում: Սուր թունավորման դեպքում պերմեթրինը ապաակտիվանում է մարսողական ուղում:
    Ցուցումներ
    – Քոս (քոսի տիզ Sarcoptes Scabiei կողմից հարուցած ինֆեկցիա). – Ցայլքային ոջլոտություն:
    Դեղաչափավորումը և կիրառման եղանակները
    Դեղը նախատեսված է արտաքին օգտագործման համար: Դեղը մանրակրկտորեն, մերսող շարժումներով տարածել մեծահասակների և երեխաների մաշկի վրա՝ գլխից մինչև ոտքերի ներբանները: Երեխաների մոտ պարտադիր մշակում են գլխի մազածածկ հատվածը, քունքային և ճակատային շրջանները: Մեծահասակ հիվանդների մշակման համար սովորաբար բավարար է 30 գ: Կիրառումից 8-14 ժամ անց անհրաժեշտ է լվանալ նրբաքսուքը (ցնցուղի տակ կամ լոգանք): Սովորաբար բուժումը անցկացնում են 2 անգամ՝ 1 շաբաթյա ընդմիջմամբ: Հիպերկերատոտիկ քոսով հիվանդների մոտ բուժումը անցկացնում են 2-3 անգամ՝ հաջորդական օրերի ընթացքում: Մաշկի մշակումից հետո անհրաժեշտ է օգտագործել միայն մաքուր սպիտակեղեն (այդ թվում՝ անկողնային): Մշակումից հետո ձեռքերը խորհուրդ է տրվում չլվանալ 3 ժամվա ընթացքում, հակառակ դեպքում՝ յուրաքանչյուր լվանալուց հետո նորից ձեռքերին տարածել նրբաքսուք: Մարմնի մյուս հատվածներից նրբաքսուքի լվացման դեպքում ևս պետք է նորից մշակել այն:
    Կողմնակի ազդեցություններ
    Տեղային ռեակցիաներ՝ քոր, էրիթեմա, այրոց, հազվադեպ՝ ցան և այտուց:
    Հակացուցումներ
    – Դեղի բաղադրիչների նկատմամբ գերզգայունություն, – Հղիություն, – Կաթնարտադրության շրջան, – Մանկական տարիք՝ մինչև 5 տարեկան:
    Հատուկ ցուցումներ
    Զգուշությամբ պետք է նշանակել մաշկային հիվանդություններով ուղեկցվող հիվանդներին: Բարդացված քոսի բուժումը (դերմատիտ, էկզեմա, պիոդերմիա, պոստսկաբիոզ լիմֆոպլազիա) անհրաժեշտ է անցկացնել քոսի բուժման հետ համատեղ և շարունակել այն վերջացնելուց հետո: Բուժումից հետո քորի պահպանումը չի հանդիսանում լրացուցիչ բուժման կուրսի ցուցում: Քորը հանդիսանում է օրգանիզմի ռեակցիան ոչնչացած տզի և նրա կենսագործունեության արգասիքների նկատմամբ և անհետանում է հակահիստամինային դեղերի օգտագործման դեպքում: Անհրաժեշտ է խուսափել աչքի, քթանցքի, բերանի խոռոչի և արտաքին սեռական օրգանների լորձաթաղանթների վրա դեղի կիրառումից, մշակման ընթացքում դրանք կարելի է պաշտպանել բամբակյա վիրախծուծով (այդ հատվածներում դեղի հանկարծակի հայտնվելու դեպքում անհրաժեշտ է լվանալ հոսող ջրով) : Խորհուրդ չի տրվում դեղը կիրառել օրական մեկ անգամից շատ: Հիվանդների և նրանց հետ շփվող անձանց բուժումը պետք է կատարել միաժամանակ՝ վարակի կրկնումից խուսափելու համար: Բոլոր սպիտակեղենները պետք է ենթարկվեն մանրակրկիտ մշակման: Անկողնային պարագաները, սրբիչները, մարմնի հետ անմիջականորեն շփվող սպիտակեղենը եռացնում են լվացքի փոշու լուծույթում 5-10 րոպեի ընթացքում: Արտահագուստը անհրաժեշտ է արդուկով ենթարկել ջերմային մշակման: Ջերմային մշակմանը չենթարկվող իրերը պահվում են բաց օդում 3 օր:
    Գերդեղաչափավորում
    Գերդեղաչափավորումը քիչ հավանական է՝ կապված համակարգային արյան հոսք դեղի քիչ ներծծման հետ:
    Դեղորայքային փոխազդեցություններ
    Դեղի դեղորայքային փոխազդեցության դեպքեր նկարագրված չեն:
    Պիտանելիության ժամկետը
    Պիտանելիության ժամկետը` 3 տարի: Չօգտագործել պիտանելիության ժամկետը սպառվելուց հետո:
    Դեղատնից բացթողման կարգը
    Բաց է թողնվում առանց դեղատոմսի:
    Թողարկման ձևը և փաթեթավորումը
    5 % նրբաքսուք արտաքին օգտագործման համար՝ լցված 50 գ տարողությամբ ալյումինե պարկուճում, որը ներդիր-թերթիկի հետ տեղադրված է ստվարաթղթե տուփի մեջ:
    Պահման պայմանները
    Պահել երեխաների համար անհասանելի, զով, խոնավությունից ու լույսից պաշտպանված տեղում: