icon-menu
icon-menu

Արտադրանքներ

    Տետրացիկլին, 1 % ակնաքսուք

    ԴեղաձեվըԱչքի քսուքներ

    ATC խումբԱկնաբուժություն

    ATC ենթախումբՀակամանրէային ազդեցությամբ դեղեր ակնաբուժությունում օգտագործման համար

    Դեղի առևտրային անվանումըՏետրացիկլին

    Դեղի միջազգային անվանումըՏետրացիկլին (Tetracycline)

    Բնութագիրը
    Դեղնավուն կամ գորշ դեղնավուն գույնի քսուք:

    Բաղադրությունը

    Յուրաքանչյուր 100 գրամը պարունակում է.

    Ակտիվ բաղադրանյութ` տետրացիկլին – 1գ:
    Օժանդակ բաղադրանյութեր` լանոլին անջուր – 40 գ, վազելին բժշկական ակնային մինչև 100 գ:

    Դեղաբանական խումբը և ԱԲՔ կոդը

    Հակաբիոտիկ, տետրացիկլին, S01AA09:

    Դեղաբանական ազդեցությունը

    Տետրացիկլինների խմբի մանրէաճնշիչ հակաբիոտիկ է: Խախտում է փոխադրային ՌՆԹ- ի և ռիբոսոմի միջև համալիրի գոյացումը՝ հանգեցնելով սպիտակուցի սինթեզի շեղմանը: Ակտիվ է՝ Staphylococcus spp. Streptococcus spp. , Listeria spp., Bacillus anthracis, Clostridium spp., Actinomyces israelii, Haemophilus influenzae, Haemophilus ducreyi, Bordetella pertussis, Escherichia coli, Enterobacter spp., այդ թվում՝ Enterobacter aerogenes, Klebsiella spp., Salmonella spp., Shigella spp., Yersinia pestis, Bartonella bacilliformis, Vibrio cholerae, Vibrio fetus, Rickettsia spp., Borrelia burgdorferi, Brucella spp. նկատմամբ :

    Ֆարմակոկինետիկա

    Տեղային կիրառման ժամանակ համակարգային ներծծումը ցածր է:

    Ցուցումներ

    Մանրէային և քլամիդային ակնավարակներ՝ կոպաբորբ, կոպաշաղկապենաբորբ, եղջրաբորբ, եղջրաշաղկապենաբորբ, մեյբոմիտ, տրախոմա:

    Դեղաչափավորումը և կիրառման եղանակները
    Տեղային: Կոպի տակ դնում են յուրաքանչյուր 2-4 ժամը 1 անգամ կամ ավելի հաճախ: Կիրառման տևողությունը կախված է հիվանդությունից, տրախոմայի ժամանակ՝ 1-2 ամիս և ավելի (հնարավոր է զուգորդել համակարգային ազդեցությամբ դեղերի հետ):

    Կողմնակի ազդեցություններ
    Հնարավոր են ալերգային ռեակցիաներ, Տետրացիկլին 1 % ակնաքսուքը կարող է բարձրացնել մաշկի զգայունությունը արևի ճառագայթների նկատմամբ:
    Հակացուցումներ
    – Դեղի բաղադրամասերի հանդեպ անհատական անընկալունակություն

    – սնկային հիվանդություններ

    – ծանրայրվածքներ, խորը վերքեր

    – գայլախտ

    – լյարդի և երիկամների հիվանդությունների ժամանակ դեղի երկարատև օգտագործումը

    – լեյկոպենիա

    – մանկական տարիք մինչև 8 տարեկան:

    Հատուկ ցուցումներ
    Դեղադրումից հետո տեսողության հստակությունը ժամանակավորապես կորցրած բուժվողներին խորհուրդ չի տրվում վարել ավտոմեքենա կամ աշխատել բարդ տեխնիկայի հետ՝ հաստոցներ, բարդ սարքեր, որոնք պահանջում են հստակ տեսողություն: Եթե մի քանի օրվա ընթացքում վիճակը չի բարելավվում, պետք է խորհրդակցել բժշկի հետ:

    Գերդեղաչափավորում
    Դեղի գերդեղաչափման վերաբերյալ տվյալներ չկան:
    Դեղի կիրառումը հղիության և կրծքով կերակրման ժամանակ
    Հղիության և կրծքով կերակրման ժամանակ, մանկական տարիքում դեղի կիրառման բավարար փորձ չկա: Հղիների, կերակրող մայրերի և երեխաների բուժման համար դեղի կիրառումը հնարավոր է բժշկի նշանակմամբ, երբ ակնկալվող բուժական արդյունավետությունը գերազանցում է հնարավոր կողմնակի ազդեցությունների զարգացման վտանգը:

    Դեղորայքային փոխազդեցություններ
    Նկարագրված չէ:

    Պիտանելիության ժամկետը
    Պիտանելիության ժամկետը` 3 տարի: Չօգտագործել պիտանելիության ժամկետը սպառվելուց հետո:

    Դեղատնից բացթողման կարգը
    Բաց է թողնվում առանց դեղատոմսի:
    Թողարկման ձևը և փաթեթավորումը
    1 % ակնաքսուք 3 գ ալյումինե պարկուճներում ներդիր-թերթիկի հետ միասին ստվարաթղթե տուփի մեջ:
    Պահման պայմանները
    Պահել երեխաների համար անհասանելի, զով, խոնավությունից ու լույսից պաշտպանված տեղում: