Ֆարմակոթերապևտիկ խումբ՝ Տեղային անզգայացնող դեղ,

ATX կոդ՝ N01BB02։

Լիդոկային 5% քսուքը պարունակում է ակտիվ բաղադրատարր՝ լիդոկային։

Այն ամիդային տիպի տեղային անեսթետիկ է։ Ապահովում է տեղային անզգայացում՝ արգելափակելով նյարդային ազդակների առաջացումն ու հաղորդումը։ Գործողության մեխանիզմը կապված է նեյրոնների թաղանթների թափանցելիության կայունացման հետ՝ նատրիումի իոնների համար։ Նյարդի էլեկտրական գրգռելիության շեմը բարձրանում է և հետևաբար ազդակի փոխանցումը արգելափակվում է:

Լիդոկաինի 5% քսուքը կիրառվում է բերանի խոռոչի և հետանցքի շրջանի մաշկի և լորձաթաղանթների տեղային անզգայացման համար։

Միշտ օգտագործեք դեղը Ձեր բուժող բժշկի կամ դեղատան աշխատակցի խորհրդատվությանը համապատասխան։ Կասկածների առաջացման դեպքում խորհրդակցեք բուժող բժշկի կամ դեղատան աշխատակցի հետ։

Առաջարկվող դեղաչափ

Դեղաչափը կախված է ցուցումներից, անզգայացվող մակերեսի մեծությունից, հյուսվածքի անոթավորման աստիճանից և հիվանդի անհատական տանելիությունից։ Անհրաժեշտ արդյունքի հասնելու համար պետք է օգտագործել նվազագույն դեղաչափ։ Դեղը չի կարելի օգտագործել երկար ժամանակ։

Մեծահասակներին և 12 տարեկանից բարձր երեխաներին

Ցավը թեթևացնելու նպատակով՝ անհրաժեշտության դեպքում կիրառել 1-2 գ։

Երեխաներին (մինչև 12 տարեկան)

Մինչև 12 տարեկան երեխաների մոտ պետք է հաշվի առնել լորձաթաղանթների կամ վնասված մաշկի վրա դեղի կիրառումից հետո դեղի 100%-անոց կենսամատչելիությունը, որի հետ կապված երեխաներին նշանակվող Լիդոկային 5% քսուքի առավելագույն դեղաչափը չպետք է գերազանցի 0.1 գ քսուք մարմնի քաշի յուրաքանչյուր կգ-ի համար (համարժեք 5 մգ լիդոկայինի մարմնի քաշի յուրաքանչյուր կգ-ի համար): Դեղաչափերի միջև նվազագույն միջակայքը երեխաների մոտ պետք է կազմի 8 ժամ:

Եթե Դուք օգտագործել եք Լիդոկային 5% քսուքը ավելին, քան անհրաժեշտ է

Տեղային անզգայացնողներով համակարգային թունավորումը հիմնականում պայմանավորված է արյան պլազմայում բարձր կոնցենտրացիայով և ներառում է գլխավորապես կողմնակի ազդեցություններ կենտրոնական նյարդային համակարգի և սիրտ-անոթային համակարգի կողմից:

Ախտանշաններ

ԿՆՀ-ի կողմից. պարեստեզիա, լեզվի թմրածություն, գլխապտույտ և ցրվածություն, ականջներում զնգոց, քնկոտություն, ջերմության զգացում, սառնության կամ կարկամության զգացում, ականջներում խշշոց, դող, անսովոր տագնապ, գրգռվածություն, նյարդայնություն կամ անհանգստություն, երկտեսություն, շփոթություն, ցնցումներ։ Հնարավոր է գիտակցության կորուստ կամ փոքր ցնցումներ, որոնք կարող են տևել մի քանի վայրկյանից մինչև մի քանի րոպե։

Սիրտ-անոթային համակարգի կողմից. սուր հիպոտենզիա, դանդաղասրտություն, առիթմիա, և սիրտ-անոթային կոլապս։

Բուժում

Ախտանշանային բուժում — անհրաժեշտ է ապահովել շնչուղիների ազատ անցանելիություն, թթվածնի օգտագործում, ածխաթթու գազի հեռացում, թթվածնի ընդունում և/կամ արհեստական շնչառության կատարում։ Ցնցումները մեղմելու համար անհրաժեշտ է կիրառել սուկցինիլխոլին՝ 50–100 մգ դեղաչափով և/կամ դիազեպամ՝ 5–15 մգ դեղաչափով։ Հնարավոր է նաև կարճատև ազդեցության բարբիտուրատների օգտագործում (օրինակ՝ նատրիումի տիոպենտալ)։ Լիդոկայինի գերդոզավորման սուր փուլում դիալիզը անարդյունավետ է։

Լիդոկային 5% քսուքը պարունակում է՝

Ակտիվ նյութ է հանդիսանում լիդոկայինը։

Յուրաքանչյուր գրամը պարունակում է՝

Ակտիվ նյութ՝ լիդոկային – 50 մգ

Օժանդակ նյութեր՝ պոլիէթիլենգլիկոլ 400, պոլիէթիլենգլիկոլ 4000, պրոպիլենգլիկոլ, մաքրված ջուր:

Դեղի մասին առավել մանրամասն տեղեկություն ստանալու համար սեղմեք՝ http://pharm.cals.am/pharm/data/drug_134416/1732626206794.pdf